الحكومة والمدونات

رئيس الوزراء المصري يشارك لأول مرة بمدونة وسط دهشة المدونين
هذا العنوان لف أنتباهى عند تصفحى لأحد مواقع الانترنت أول دليل يبين أن لسادة الوزراء والمسئولين حاسين بالغليان اللى الشعب فيه وبيدفعوا عن مواقفهم فى سياسة الحكومة الرأسمالية وايه على أحدى مدونات الانترنت يعنى بعيد عن تقارير الحكومة يعنى الحكومة مثقفة وعارفة كل حاجة وعارفة سلبيات كل قرار بتتخذه وتأثيره على الشعب وعارفه أن فيه حاجات كتير الحكومة بتغض البصر عنها لصالح مين مش عارفين وأولها نظام المحسوبية الوسطة والفساد الادرى الذى يسبح فيه الجهاز الادارى بالدولة
المهم أحنا عاوزين نعرف الحكومة بتعمل عشان تريح الشعب وتعيشه فى رفاهية ولا العكس الواحد بيسمع عن الاوضاع فى دول الاتحاد الاوروبى بيتحسر على نفسه وعلى بلاده وفعلا أحنا عالم ثالث بالنسبة لهم أنا قاصد بالنسبة للسلوكيات والمثالية الموجودة فى معظم تعاملاتهم وطبعا ألا السياسة اللى بيكيلوا فيها بمكايلين
فيها أيه لو نوجد طريقة للتواصل بين الشعب والوزراء عشان يحسوا بالشعب أكتر وباللى يعانيه وطبعا طريقة بعيد عن مجلسى الشعب والشورى لان أعضائه رجال أعمال أو موظفين عند الحكومة يعنى مش نواب الشعب وحتى نواب المعارضة فيه أتفاقيات خفية بينهم وبين الحكومة وفيه أدالة كتير على ذلك الا قلة قليلة جدا
اللى خلى السيد رئيس مجلس الوزراء يكون عنده وقت يدخل على النت ويطلع على الاراء المعارضة له ينزل للشارع ويشوف الناس بتركب المواصلات أزاى وبيجيبوا رغيف العيش أزاى والموظفين بيروحوا الشغل أمتى وبيخلصوا الشغل أزاى
تساؤلات كتير
عاوزة أجابة
من
الحكومة

مواضيع من نفس التصنيف