السبت، 15 نوفمبر، 2014

الخميس، 2 مايو، 2013

نتائج التعليم ومراحله المختلفه


ينقل لكم موقع نجوم مصرية تغطيات حصرية حول اهم النتائج الخاصه بالشهادات التعليمية المختلفة ، ابتداءا من الشهادة الابتدائية مرورا بالشهادة الاعدادية والثانوية واخيرا الكليات والمعاهد والتعليم العالي، مثال : نتيجة كلية تجارة جامعة القاهرة.

ونرجو من الله ان يوفقنا في هذه الاعمال الحصريه والتي نحاول ارضاء عملاءنا بها منذ اعوام.

والله الموفق والمستعان.

الثلاثاء، 5 يوليو، 2011

قصيدة روعة بصدق




قصيدة رائعة جدا للكاتب احمد علي ( وشهرتة احمد كاجوال )
---------------------------------------------------
قصيدة بحبك يا مصر


احمد علي يكتب | حكمت فظلمت , فخفت فتنحيت .. فحٌبست يا مبارك

جمهورية بورتو طرة مش هتقدر تغمض عنيك

أيها الأخوة المواطنون حبايبنا اللى فى طرة ابدأ كلامى بسم الله وأصلى واسلم على شفيعنا وحبيبنا سيدنا رسول الله صلى الله عليه وسلم وبعد فعلاً فعلاً مش هتقدر تغمض عنيك وما اعتقدش حد فى مصر قادر يغمض عنيه دلوقتى ولا حتى يبربش وهو بيتفرج على بورتو طرة من أجلك انت

وأخيرررررا أخيرا بقيتوا فى مكانكم الحقيقى وفعلاً الرجل المناسب فى المكان المناسب وبعد وصول الراس الكبيرة زعيم العصابة واكتملت شلة الأنس فى جمهورية بورتو طرة

بداية عاوزة أقول لبا با حسنى عمرك فى يوم مسكت مصحف من المصاحف اللى محطوطة جوه علبة قطيفة فخمة اللى بيدوهالك كل سن وقرأت فيها قول الله تعالى" قل اللهم مالك الملك تؤتى الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيىء قدير"

أظنك عرفت الآن معناها ولكن هيهات يا فرعون مصر فقد مضى الوقت ومن هنا من مصر الحرة ومن بنت فى سن أحفادكم أقترح الآتى لكى تنعموا بعيشة هنية فى بورتو طرة

أولاً:بالنسبة للزنزانة يعنى هتبقى متر فى متر يدوب على مقاسكم وهنكرمكم بمروحة بس هنقطع النور عنكم فى الصيف فى عز الضهر علشان يعنى نوفر الكهربا وكده وتخفيف أحمال زى ماانتوا فاهمين

والأكل بقى هيكون فول مسوس ورز مدود معمول بزيت التموين اللى انتوا عارفينه كويس وممكن نفرحكم مرة فى الشهر بكام كيلو لحمة من بتاعت الهند اللى مليانة ساركوسيست دى ويالا كمان كباب من أحسن لحم حمار ولا كلب فيكى يا مصر وشوية خضار مورورين وفواكه كده من اللى مروية بمية الصرف الصحى حاجة كده ترم العضم والشرب بقى ميه بقى من اللى قلبكم يحبها اللى مليانة جراثيم وميكروبات اللى بيشربها الشعب البيئة اللى كنتوا بتحكموه

نيجى بقى للحياة السياسية مش هنقولكم زى الناس الوحشين لا سياسة فى طرة لا طبعاً إزاى ده انتوا اهل السياسة كلها طبعاً الريس هو الريس لكن دة طبعا لما يكون لوحدة قاعد في الحمام

ديوان طرة وماله لو هتعملوا انتخابات بقى عندكم المعلم الكبير فتحى موافقة يفصلكم قانون حليوة على قد طرة يليق بيكم وبالوضع الجديد وجمبكم بقى جيرانكم حبايبكم البلطجية علشان يزوروا الانتخابات آه أمال ايه اصل انتو مش هتقدروا تعيشوا من غير تزوير وحبيبكم عز ممكن يجبلكم كام طبلة ويسليكم فى الحبس علشان الملل يعنى وكده

طبعاً الباشا الكبير اوي العادلى باشا , اكيد له معاملة خاصة جداااااااا طبعاً عارفين ليه ومصر كلها عارفة ليه يومياً بقى كام جلسة كهربا على كام جلدة ومية ساقعة فى عز البرد ومفيش نوم بقى خالص وكوكتيل كده تعذيب على مزاج الباشا الكبير وانت أدرى

ممكن بقى نتعطف عليكم فى يوم وناخدكم رحلة ترفيهية فين بقى فى البحر الأحمر على عبارة زى بتاعت السلام 98 بالظبط وتاكلوا سمك مشوى وجمبرى وكافيار متغذى على لحم البشر طعم إيه ( وااااااو ) وهنسيبكم بقى وانتوا وحظكم مع العبارة أو رحلة برية بقى فى قطر من قطارات الصعيد وهنجيبلكم موقد بلدى لزوم الشاى والمزاج وبرضه انتوا وحظكم

وأخيراً ده كله مش تفضلاً منا عليكم لا أبداً ده خيركم سابق

من 30 سنة وياما هنيتونا وفرحتونا وجه وقت رد الجميل

واللهم لك الحمد والحمد لله الذى بنعمته تتم الصالحات وحمد الله على سلامتك يامصر وحشتينا جدااااااا وحسبنا الله نعم الوكيل واللهم قصاصك العادل واشف غليل صدورنا وأرح قلوبنا

كلمتين من القلب للسيد السلطان بشمل ( مبارك افندي ) ابتلاة الله بمرض لا يعافي منة :

حلقاتك برجلاتك شرفت يا سيد المساجين

خش وجرش جنب

اخواتك وعيالك وياك الاتنين

يارب ياربنا انت اللى عارف حقنا

طول فى عمره وهاتلنا

احكام تفرح قلبنا

حلقاتك برجلاتك هنوصى عليك السجان

فاضل بكره هتيجى مراتك ونزفك زى العرسان

يارب ياربنا فرحة مصر وكل الناس

أكبر فاسد عندنا جوه السجن عليه حراس

حلقاتك برجلاتك شفت نهاية ظلمك فين

هتكمل ع البورش حياتك

وتجرب كل الزنازين

حكمت فظلمت , فخفت فتنحيت .. فحٌبست يا مبارك

بقلم | أحمد علي وشهرتة احمد كاجوال

10-3-2011

الخميس، 12 مايو، 2011

غربة نفس !!

الحلم الثالث والاربعين
رحيل !!!!  
بين نبض ضعيف لقلب حزين ....
بين ضلوع واهنه ودموع ثارة ....
بين عيون دامعه ومشاعر خائفه ....
بين جنبات عمر يضيع .....
اشتقت اليه بمنتهى الحنين ....
خرجت ابحث بين العالمين ....
قد يكون هناك فى ذلك الحين .....
سمعت نبضات القلب ترتجف ....
وقدمين تائهه ترتعش ....
وددت هدوء النفس ومحو الانين ....
خرجت ابحث عنه بعشق سنين ....
فاذا بى ارى اقدامه فى الطريق ...
انه كان هنا .... انه كان قريب ....
سبقتنى دموع حائرة .... اين انت يا تؤمى الحبيب ....
شعرت بأنفاسك تقترب ... شعرت بهمسك من بعيد ...
اشتاق قلبى اليك وانت منى لست بغريب .....
انتظر ..... انتظر ....
لا تنوى الرحيل ......
فانا لا امتلك سوى دعائى لرب العالمين ....
فلتبقى فقلبى لا يقوى على الحنين ....
..........................................
تنبهت !!!! فاذا بى فى حلم جميل .....
انهرت  !!!! فهو بعيد بعيد ....
رأيت خطواته تبتعد .....
وندائى يرتعد ... ولا مجيب
جلست الملم احزانى من جديد ....
فهو حلم يا قلبى الحزين ....
مالكى يا نفسى اما كفاكى أحلام وأنين !!!!
امازلتى تنتظرى فارسك الجميل !!!!
يالك من واهمه فالعمر ليس بطويل !!!! 
فلتتمنى  الرحيل ....
فحلمك لهو ألم شديد ....
ياله من حلم بعيد ...
 ياله من فارس جميل ....
ليس له فى الارض عنوان ولو من بعيد .....
فلتبقى نفسى تتمنى الرحيل ......
فزمنك انتهى من وقت طويل !!! 


الثلاثاء، 26 أبريل، 2011

مصر : فودافون - موبينيل - إتصالات .. عروض جديدة

الشرطه و شركات الإتصالات اتفقوا سوا علينا يوم 28 يناير و  قتلوا و ساعدوا على السرقه و النهب و إرهاب 80 مليون مصرى , لو فى عدل كانت قيادات شركات الإتصالات تكون مع قيادات الشرطه فى المحاكمة , شركات الإتصالات رجعت و قدمت عروض و هدايا و إعلانات جديدة نسينا بسرعه اللى عملوه فينا , و الشرطه اللى إحنا محتاجينهم فى الأصل معندهومش اى عروض يقدموها علشان الناس تسامحهم , عمرنا ماهننسى اللى عملتوه  و هيجى يوم تتحاسبوا فيه , أصبروا لما نفوق من اللى احنا فيه ,  فودافون , موبينيل , إتصالات  .. إسفوخص

الخميس، 24 فبراير، 2011

ليصلك جديد المدونة

ادخل بريدك الالكتروني