الاثنين، 31 مارس 2008

اذا كنت تعانى

وما خلق الله من داء إلا وخلق له الدواء، إذا كنت تعانى من حب الشباب ،إذا كنت تعانى من الصدفيه، إذا كنت تعانى من البهاق، إذا كنت تعانى من البواسير ، فالحل لدينا بإذن الله ،مع اعشاب (ودع اهلك) وداعا لهذه الامراض، فقط اتصل بنا على ...... السعر غير شامل مصاريف النقل و المشال
***
اللى فات ده كان نص اعلان من اللى ماليين القنوات عن ادوية ولا السحر، وسبحان الله بتعالج كل الامراض اللى ظهرت واللى لسه حتظهر، طيب اذا افترضنا ان حب الشباب والبهاق والصدفية أمراض جلدية، ايه اللى جاب البواسير فى الموضوع، دى منطقة جغرافية ودى منطقة تانية خالص،وحتى لو كده ازاى دواء يعالج 4 او 5 امراض وكل واحد فيهم ليه اعراضه وطريقة علاجه وادويته اللى موجودة فعلا فى الصيدليات، طب خلوا المعجزات دى لامراض تانية
***
المصيبة ان الحكاية موقفتش على اد علاج حب الشباب وبس،لا دى وصلت لعلاج العقم وتأخر الانجاب كمان، وتلاقى الاعلان من دول جايبلك واحد ماسك طفل(علشان يضربوا ع الوتر الحساس) ويقولك ياللى اتحرمت من التعليم-قصدى الخلفة-الفرصة لسه قدامك، مع الدوا بتاعنا ان شاء الله حتجيب دستة عيال،بس خد بالك العلبة الزرقا للرجالة، والعلبة الحمرا للستات(وممكن يكون اللى جوا العلبتين واحد بس علشان الستات بتحب اللون الاحمر)
وييجى واحد ال عامل دكتور ، ويقول للاخ المتشحتف على الخلفة (ده يا باشا اخر ما توصل اليه العلم ، وميغركش ان العلبة شكلها مش ولابد ومعمولة من مخلفات البلاستيك، الرك على اللى جوا العلبة ، وبالشفا)
وبعد21 يوم، مبروك يا باشمهندس المدام حاتفقس ، وبقت حامل ببركة دعاء الوالدين
***
حتى مستحضرات التجميل معتقوهاش، تطلعلك واحدة تقولك طول عمرى كان نفسى ابقى models(بالجمع)، لكن مفيش حد راضى يشغلنى لان شعرى خفيف، لدرجة انى كنت بلبس الطرحة قدام جوزى، لكن بعد ما استعملت المستحضر ده، بقوا كل مخرجين الاعلانات يجروا ورايا ومش ملاحقة على الشغل ، بس برضه لسه بلبس الطرحة قدام جوزى، اصل مفيش محرم وانا بتكسف!!!
***
اذا كانت وزارة الصحة معندهاش علم بالمهزلة دى فتلك مصيبة ، اما لو كانت تعلم فتلك مصيبة اكبر، المشكلة ان الشركات دى بالنسبة لنا مجرد ارقام تليفونات مش اكتر، لا نعرف مكانها ولا اذا كان فى اشراف على منتجاتها ، ولا حتى اذا كانت دى ادوية فعلا ولا ملبس، ده الواحد بيخاف يشترى لحاف ولا بطانية بالتليفون يقوم يشترى دواء، وبعدين هى الصيدليات اتعملت ليه؟؟
***
الناس دى بتفكرنى بالنصابين اللى كانوا بيقفوا فى الميادين والموالد يخلعوا الضرس بمايه النار، ويبيعوا اعشاب ومقويات، وقالك ايه قالك اه قالك صلى على رسول الله ، حتحطه على شعرك يطول، على وشك ينور، على وسطك يدٌور واسال مجرب ولا تسألشى طبيب
***
الفرق ما بينهم بس الوشوش السمحة، والبدل النظيفة، والعلب الشيك ، والاعلانات المتكلفة، ومفيش عسكرى يقفشهم من قفاهم فى قلب الميدان
واهـــــــــــــــــو ده عيبـــــــــه

أرجوا ألا يكون غرورا من الإخوان المسلمين في مصر

السلام عليكم ورحمة الله وبركاته
بعد الحمد لله والصلاة والسلام على رسول الله صلى الله عليه وسلم أريد أن أقول :

من الثابت عند الجميع ان أي تحرك شعبي على نطاق جغرافي واسع لن ينجح إلا إذا شارك فيه جماعة الإخوان المسلمين أو على الأقل ربما يقل تأثيره وانتشاره ( التحرك ) بين الناس .

وفي ضوء هذه النقطة التي يكاد يكون عليها إجماع بين الجميع ( ويدخل في هذا الجميع الجميع وعلى رأسهم : أمن الدولة ثم الأحزاب وأخيرا كفاية والحركات المماثلة مواطنون ضد الغلاء وغيرهم ) أنا أريد أن أتسائل :

ماذا ينتظر الإخوان ليعلنوا أنهم سيشاركون في الإضراب يوم 6 أبريل

ماذا تبقى من محن تصيب الشعب حتى يتحرك الإخوان من أجل هذا الشعب ؟
العيش ... خلاص بح
الزيت ... خلاص بح
الفول ... خلاص بح
الوظايف ... خلاص بح
طيب الشعب يعمل إيه ؟
ينتحر
يقتل نفسه
يولع في نفسه بجاز ؟
حتى الجاز خلاص .... بح بح بح بح

لابد ان يتحرك الإخوان فبدونهم لن تكون لهذا الإضراب أي نتيجة مؤثرة ؟

والآن أعيد سؤالي مرة أخرى :
لماذا لايشارك الإخوان في إضراب 6 أبريل
أرجوا ألا يكون غرورا
لأنه إذا شعر الإخوان ولو ليوم واحد بالغرور وبأنهم قد أصبحوا الفصيل الذي لايمكن الاستغناء عنه في الوسط السياسي المصري فلعنة الله على الظالمين وإنا لله وإنا إليه راجعون فإنه يمكن ساعتها أن نقول :
لقد انهارت دعوة الإخوان التي اسسها الإمام البنا رحمه الله تعالى .
لذلك
أرجوا ألا يكون غرورا
والسلام عليكم ورحمة الله وبركاته

الأحد، 30 مارس 2008

بلد العجائب

بلد العجائب
العجائب  دايما موجودة عندنا
بص وشوف اهراماتنا وكمان ابو الهول
وانزل تحت فى اخر اللوحة هتلاقى المعابد والمسلات
وكمان التماثيل والعملاقة والى عمرك ماهتشوف زيها فى اى مكان تانى

بس للاسف مش هى دة العجائب
الى انا ناوى اتكلم عنها
لانة ببساطة
العجائب
دلوقتى

بقت ولا عجائب الف ليلة وليلة
بقينا خلاص نشوف  الخير والشر  الضوء والظلمة
من الاخر كد كل المتناقضات بقت موجودة  والحمد  للة
ولا اجدع سفسطائى كان ممكن يقدر يعمل الى احنا عملاناة دلوقتى
مش بقولوكم احنابقينا فى زمن العجائب

يالا بقى كل واحد يربط حزامة ويستعد يدخل معايا
لبلد العجائب بص وشوف

والله ما انا عارف ابدا منينين
العجايب كلها داخلة فى بعضها ومشبكة

طبعا لازم نتكلم عن عجائب اسعار السلع الان
الى بتتقلب طبقا لتقلب امزجة التجار واهوائهم  ماهو كل واحد ومزاجة
انما عشان احنا فى زمن العجائب لايقتصر الامر على  ذللك فقط
انما تلاقى حكومتنا المصونة  ليل نهار مصدعاك بالدعم  والى وصل مليارات
عشان خاطر عيونكم انتوا يا مصريين وانى مبقاش فى دول بتدعم زينا كدة
امال لما هى كدة مدعومة امال  لو مفيش دعم تبقى عاملة  ازاى
عجايب

الحق القطر قبل مايفوتك
اكيد   بتشوفوا  الاعلان  دة
يعنى انا طاب  بقالى  16 سنة بدرس
فى مراحل التعليم  المختلفة من ابتدائى لاعدادى  لثانوى وجامعة
عشان تبقى اخرتى تكون عامل فى مصنع
على فكرة دة مش تقليل من عمال المصانع او تحريض على عدم العمل
بس لما هى اخرتها كدة كان لزمتها اية  الدوخة الى دخناها دة فى التعليم
كانت  البلد كلها دخلت صنايع وخلاص
ولا كان بلاها تعليم من اصلة
يعنى هو الى اتعلمة خدوا اية
دا الى كان بيهرب من التعليم واتعلم صنعة
بقى اسطة قد الدنيا
لا وكمان بيشغل تحت ايدة  اتنين تلاتة
من بتوع الكليات
وياريت فية تعليم اصلا
يلا خلى صندوق العجايب يتملى


ولا فتاوى الدين الى بتطلع كل يوم
وكل واحد يحلل حاجات ويحرم حاجات
زى  ماي كون كل واحد  عندة ملة لواحدة
زى واحد يقولك ارضاع الكبير عشان الخلوة
يعنى الى  شغلها بيجمع ما بينها وما بين واحد زميلها  وخايفة  
على نفسها من الفتنة
تقوم
ترضعة 5 رضعات
والغريب ان الرضاعات دة لاتمنع الزواج
وحد تانى  يقولك
التدخين لا يفطر فى  نهار  رمضان
الله
طب مش هو التدخين اصلا حرام شرعا
وشوية
يجى  يقولك
تبادل القبلات بين الشباب  والفتيات عادى
ماهو اصل فية ازمة كبت فى البلد
فلازم اننا  نبحبحا شوية
ماهو مش هيجرا حاجة
دة يادوب
بوسة
يعنى لا هتودى ولا تجيب

انا  رغيت كتير
خلاص هكمل مرة تانية
سلااااااااااااام



اى كلام



السبت، 29 مارس 2008

صور قاتمة


الأسبوعين دول انا مطبق فى الزقازيق يعني ما روحتش البيت
بس نزلت وسط البلد علشان احضر حفل توقيع كتاب تهامي اللى فى عمر بوك استور
وانا رايح م الزقازيق للقاهرة وانا راجع شوفت كام منظر اضايقت اوي الصراحة وكمان افتكرت كام موقف عدوا عليا ما يتنسوش ومواقف تجرح اوي وتضايق كتير
هبدأ بالمواقف اللى عدت عليا النهاردة
اول موقف قبل ما اتحرك م الزقازيق
نازل م التاكسي عند الموقف لقيت ولاد كتير م اللى بيعيشوا فى الشارع بصراحه كنت مضايق قوي ( عليهم مش منهم ) بس مقدرتش اعمل حاجة
شوية روحت اشوف الحجز لقيت لسه فاضل يجي ساعة وربع قلت اجيب حاجة اكلها جيبت باكو بوريو لأني اصلا بعشقه
المهم شويه ولقيت بنت من اللى قابلتهم لما نزلت بصت في باكو البوريو اديتهولها وانا مضايق اوي على الولاد دول كلهم اللى في الشارع وكل يوم والتاني الحكومة دايرة تقول مفيش مشاكل
امال يا ربي دول ايه بس دول مش مشاكل
دول تقدم ورقي
*****
دي واحدة ، التانية وانا فى المترو
نزلت كلية الزراعة قبل عبود وركبت مترو للسادات وانا راكب لقيت واحد قاعد وبنته الصغيره علي حجره
الراجل يبص لبنته ويبوسها وبعدين يقعد يكلم نفسه ويقلب ايديه وكان خلاص شكله هيعيط وكل شوية يبص للبنت ويبوسها ويضمها ليه اكتر
بجد المنظر كان صعب اوي اوي ومكنش عايز توضيح ان الراجل طحنته رحاية الدنيا وخايف على بنته من مستقبل اقل ما يقال عنه انه اسود سواد ليله من غير نجوم ولا قمر
ما بقيتش عارف اعمل ايه ساعتها الراجل صعبان عليا اوي بس اى تدخل منى معناه جرح لكرامته ومقدرتش اخليني ابطل اتابعه وما ابصش عليه وعلى بنته اللى زى القمر واللى شكلها بيقول ما كملتش تلات سنين على بعض
معرفش الراجل كان بيفكر في ايه بالظبط بس اكيد كان خايف
خايف م الاسعار وخايف البنت تنام من غير عشا وخايف وخايف وخايف
وكل يوم والتاني الحكومة طالعه تقول الحياة حلوة وميت فل وعشرة
*****
التالتة دي من قبل كدا والاخيرة علشان ما اتعبكوش معايا
المرة دي كانت وانا مع بابا ساعة مولد النبي اللى فات دا
واحدة جاية تشتري حلاوة المولد لولادها ومعاها ابنها الصغير الست عايزة تشتري لولادها حلاوة بصت على حلاوة كويسة ونضيفة بس للأسف طلعت غالية اشترت م الرخصية ... الرخيصة اللى هى انشف مال حجر وما تتاكلش وما حدش يرضي يبصلها اصلا بس هتعمل ايه يعني ما هى لازم تأكل عيلها علشان ما يبصوش لبرا وما يطلبوش حاجة من ايد حد وفى نفس الوقت معهاش اللى يخليها تشتري الحلو
نظره عينيها بجد جرحتى اوى ومكنتش عارف اتصرف فى وقتها
فكرت فى الموقف بعدين لقيت انى كان ممكن اتصرف واديها اللى هى عايزاه الحلو ومن غير ما اجرحها او احسسها بانها محتاجه بس ساعتها مقدرتش اخدت هى الوحشة ومشيت وانا مضايق اوي
لحد دلوقت زعلان من نفسي انى معملتش الصح وما اديتهاش الحاجة الكويسة وبتمني الوقت يرجع من تاني علشان اعمل دا لكن تفكيري ما اسعفنيش ساعتها
ربنا يسامحنى لو كنت غلطان
بس بعيد عني انا
فين الدولة والحكومة من كل دا
ليه فى ناس بتاكل اكل محدش يرضي يأكله للحيوانات اللى عنده
ليه فى ناس اصلا مش لاقيه تاكل
ليه فى ناااااااااااااااااااااااااااس كتييييييييييييييييييييييييييير اوي بتنام من غير عشا وبتصحي من غير فطار
انا مضايق اوي وكاره الدنيا اوي وتعبان اوي
حتى حسبي الله ونعم الوكيل بدأت افقد الامل انها تنفع معاهم ( انا مش بكفر لا سمح الله بس ما بقتش عارف اعمل ايه )
انا زهقان

صباحك زي وشك يا مصر ... جميل وحزين


كل جريمتهم أنهم يعيشون في وطن لا يرحم أبناؤه ولا يحافظ على كرامتهم ... فهل من المطلوب أن يحافظ الغريب على حياتهم حتى بداخل وطنهم ... ؟ الحكاية كما وردت بموقع



أن قارب صغير أقترب من سفينة نقل بضائع أمريكية قرب قناة السويس بغرض بيع بعض السلع ففتحت السفينة النار عليهم فقتلت مواطناٌ مصرياٌ وأصابت أثنين آخرين ...!!! هل وصل بنا الحال لهذا الهوان ...؟ نقتل في الخارج وتساء معاملة المصريين حتى بالدول العربية الشقيقة ونقهر وتذل قامتنا بالداخل تحت وطئة الظروف الأقتصادية السيئة وفساد الحزب الحاكم ... ولكن أن يصل الحال أن نقتل بيد الأمريكان والإسرائيليين بداخل أوطاننا ... فهذا هو الإنجاز الذي يجب أن يفخر به السيد الرئيس وهو يستمتع بمشاهدة الباليه الروسي بزيارته الحالية لروسيا ... وكم أتمنى أن أسمع تعليق السيد وزير الخارجيه على هذا الحادث وهو صاحب التعليق الشهير " إللي حيكسر حدودنا حنكسر رجله !!! " وأظن وليس كل الظن إثم أننا لن نسمع له صوتاٌ ... ولا حول ولا قوة إلا بالله


======================






هذه ربما تكون أول صورة تنشر للسفينة مرتكبة الحادث " جلوبال باتريوت " أستطعت الحصول عليها بعد إجراء عملية بحث عنها بالإنترنت
وهذا عنوان الشركة المالكة لها على الإنترنت
http://www.global-container-lines.com/




تحديث
27/3/2008


السيد شين ماكورماك المتحدث الرسمي بأسم الخارجية الأمريكية يعتقد بأن السفينة تصرفت بشكل لائق ونفي تقديم إعتذار رسمي للحكومة المصرية عن الحادث ... إذن المواطن المصري " محمد فؤاد عفيفي " هو المخطيء ويجب على أهله والحكومة المصرية أن تتقدم بإعتذار للحكومة الأمريكية على تسبب المرحوم " محمد البمبوطي " بتكليف الخزانة الامريكية ثمن الرصاصة التي قتل بها ..؟!!! عموماٌ ليس من حقنا أن نحزن ولا أن نفرح في بلد من العبيد من أول واحد فيهم لآخر واحد ... وإنا لله وإنا إليه راجعون



تحديث
28/3/2008




سينما الخبيزة

بصراحة يا جماعه انا مش عارفة اقول ايه، الواحد بقى يشوف ويسمع العجب يا ترى ممكن حد يفهمنى ايه موجه الشذوذ اللى بتجتاح مصر الايام دى سواء فكريا او ادبيا او سينمائيا ؟؟؟
*****
بقالى فترة ملاحظة ان كل فيلم بيظهر بيتناول الفكرة دى بشكل اكبر واغرب من اللى قبله ، صحيح فكرة تناول العلاقات الشاذه مش جديدة قوى، وسبق تناولها قبل كده بشكل غير مباشر فى اكتر من فيلم منهم ( قطه على نار) لنور الشريف وبوسى، او حتى بشكل كوميدى زى ما حصل فى مسرحية (العيال كبرت) لما حسن مصطفى يقول سلملى على جوزك يا اسماعيل بيه، ويرد سعيد صالح يقوله ليه هو اسماعيل بيه شاذ؟ الكلمة اللى فضلت محذوفه من المسرحية اكتر من تلاتين سنة
*****
لكن الحكاية اخيرا بدأت تاخد شكل مباشر، وكانت بداية القصيدة مع فيلم (عمارة يعقوبيان) اللى اكيد اغلبكم شافه، وانا من حظى انى دخلت على عمايا شفته فى السينما، وطول الوقت كنت بحاول اتشاغل عن الفيلم بانى اسأل اللى معايا يا ترى خالد الصاوى جاب العبايات الحلوة دى منين؟
*****
بعديها جت حكاية فيلم ( حين ميسرة ) والضجه اللى حصلت عليه وعلى بطلاته بسبب مشاهد الخُبيزة اللى كانت بينهم،ومدافعتهم عن الفيلم بان ده شئ موجود وبيحصل وبلاش بقى شغل النعامه اللى تحب تدفن راسها ، طب يا اسيادنا وبعد النعامه ما طلعت راسها ايه اللى حصل؟؟
*****
اللى حصل بقى ان الحكاية دى بقت التيمة السينمائية الجديدة اللى حيبتدى يلعب عليها كل المؤلفين والمخرجين ، زى ما حيحصل فى فيلم
(علاقات ساخنة ) اللى احب اطمنكم انه مش حيكون فيه مشهد ولا اتنين ، لا ده حيبقى الفيلم كله بيتناول الحياة الخُبيزية السعيدة بين فتاتين، اللى حيكون التجربة الاولى من نوعها فى العالم العربى، ال يعنى اكتشفوا الذرة!!
*****
واللى يضحك ان المخرج قال انه حيقدم الفكرة بشكل غير مبتذل يعتمد على الايحاء والرمز، ومش شايف ان حيكون فيه اعتراض من الرقابة على الفيلم ،الظاهر ناوى يقدمه على طريقه القهوة اللى بتفور والشيش اللى يتفتح والبرق والرعد!!
*****
يا ترى الافلام دى الهدف منها ايه؟ ومحدش يقوللى كشف نقاط الخلل فى المجتمع، زى ما قالوا قبل كده على افلام المخدرات والاغتصاب والفساد ، اللى بالعكس كانت بتعلم الناس الحاجات دى اكتر ما بتمنعهم عنها
*****
للدرجة دى يعنى اختلت الطبيعه السوية عند الناس، مهو اللى حيدخل يتفرج عليه يا اما هو كده، يا اما الفضول هو اللى بيدفعه يعرف ايه اللى بيحصل وده برضه شئ مش سوى، ومش بعيد بعد كده تلاقى العالم الخُبيزة دول بيطالبوا بحقوقهم وعايزين هما كمان خانة فى البطاقه
*****
انا ضد الشذوذ بمختلف انواعه فكريا وادبيا وبيولوجيا، لان ربنا سبحانه وتعالى خلقنا فى الاصل أسوياء، وخلق من حوالينا طبيعه سوية، لا عمرنا شفنا جاموسة ماشية مع جاموسة، ولا طائر جه فى موسم التزاوج وقرر يغير ميولة ويبقى خُبيزى
*****
حتى فى الفيزياء علمونا ان الاقطاب المختلفة تتجاذب والمتشابهه تتنافر، يعنى لازم يبقى قطب سالب وقطب موجب علشان الدايرة تقفل، ومحصلش ان طلع حد يقولك ممكن نمشيهم شبه بعض
*****
والناس بتوع الحرف اليدوية اللى لما يكون فيه قطع متركبش غير مع بعضها يقوموا يسموها( ذكر+انثى) ، زى العاشق والمعشوق فى الارابيسك
*****
انا بستغرب فعلا على الناس دى اللى ترفض الشذوذ فى الطبيعه والصناعه والكيمياء والفيزياء وتقبله بس..... فى الاحياء
واهـــــــــو ده عيبـــــــــه
**ملحوظه:- كلمة خُبيزة بديل عن اى كلمة تدل على علاقه غير سوية

الجمعة، 28 مارس 2008

قرار الوزير

لا يستطيع أحد أن ينكر أن قرار وزير الصناعة خطوة كبيرة ومهمة فى الاتجاه الصحيح نحو ضبط الاسعار وتوفير السلع الاساسية والقرار أن لم يكن سيخفض أسعار الارز والاسمنت سيؤدى الى تثبيتها ولكن فى الاغلب سيتم تخفيض الاسعار لعدم تصدير كميات كبيرة سيتم طرحها فى الاسواق ولكن هناك سؤال يطرح نفسه هل ستلتزم المصانع بأنتاج نفس كنيات الانتاج التى تقوم بأنتاجها فى الوقت الحالى أم ستقوم المصانع بتقليل الانتاج أتباعا لسياسة التعيش حيث يتم تقليل المعروض لزيادة السعر.
فى رأيا الشخصى أن هذا القرار خطوة مهمة فى الاتجاه الصحيح ولكن كم وزير فى الحكومة المصرية يستطيع أن يتخذ قرارات مماثلة لهذا القرار حتى يتم ضبط الاسعار وتوفير السلع للشعب أو بمعنى أخر كم وزير يريد حل تلك الازمة فالانسان أذا أراد فعل شىء لا يقف أمامه أى شىء المهم أتجاهه الى فعل شىء وليس الاستسلام للامر الواقع ولرجال الاعمال الذين زاد جشعهم فى هذا العصر لا يوجد شخص مقتنع بما يوجد فى يديه حتى أصغر موظف فى الدولة الكل ينظر للموجود فى يد غيره بل يريد أن يكون لديه أكثر منه لا توجد قناعة.
الاهم فى الموضوع هو هل يستطيع وزير الصناعة أستمرارا فى سياسته أن يقوم بأصدار قرار بمنع تصدير الحديد أسوة بالاسمنت مع أن الحديد سعره قد تجاوز الضعف سؤال مهم ما هى الاجابة عليه ؟

الأربعاء، 26 مارس 2008

حادث ميناء السويس
ضربونا وسط أرضنا ........... وعند عمرو أديب السفير قال اسف لنا
أصلهم كانوا بيتفسحوا جوه عندنا
ولما زهقوا ...... قالوا يلا نلعب مع بعضنا
مين يصيب أول واحد يعدى من جنبنا
ولما ضربوا ....... لمحمد صابوا
ولبورسعيد هربوا
وطبعا بره مصر خرجوا
واحنا لسا هانبدأ التحقيق
نعمل ايه ...؟ ما أحنا مشغولين بهروب الحضرى وأسعار الزيت والدقيق
أما أنت ياحاج فؤاد .............. عدا وفات
وخلاص ابنك مات
روح قول لحفيدك
لا عياط هاينفع ........... ولا محمد هايرجع
وعزاك الوحيد ................. انه مات شهيد

زجاجة العطر ورحلة الوداع ..

أستيقظ من نومه على أثر ذلك الشعاع الذي أخترق نافذته غير آبه بزجاجها أو بذاك الستار المخملي الذي كانت تختبئ خلفه، وقف على قدمين متثاقلتين بعد أن أزاح عنه غطاءه الذي ظل يضمه إلى صدره طوال الليل بعد أن عطره من زجاجة العطر التي أهدته إياها في عيد ميلاده ..توجه نحو النافذة ليفتحها وينظر من خلالها إلى حديقة منزله وقد امتلأت بأسراب الحمام التي اعتادت على التجمع في زاوية معينة من الحديقة حيث كان يضع لها الحبوب ليستمتع بالنظر إليها كل صباح، ولكنه أحس بشيء مختلف في تلك اللحظة .. لعلها تكون المرة الأخيرة التي يرى فيها هذا المنظر ..عاد إلى فراشة كي يرتبه كعادته ويقلب المخدة التي كان ينام عليها كي يخفي ذلك البلل الذي أصابها من دموعه التي ذرفها طوال ليله وهو يحتضن غطاؤه المعطر ..وبعد أن انتهى من ترتيب سريره ولملمة أغراضه التي كانت تغطي أرض الغرفة ومعها جراحة وأجمل الذكريات على قلبه، أخرج حقيبته من تحت سريره وراح ينفض عنها الغبار ثم فتحها بعد أن أزال آخر ملصق وضع عليها خلال رحلته الأخيرة قبل بضعة أشهر ..توجه إلى كرسيه الخشبي القديم الذي كان يقضي عليه جُل وقته في قراءة رسائلها والرد عليها بأعذب وأجمل كلام قد يخطر على قلب بشر وقد كوم عليه ملابسه وكل أغراضه وحملها ببطء إلى حقيبته حيث مثواها الأخير في ذلك المكان وفي ذلك الصباح الدافئ، رتب أغراضه داخل حقيبته ثم حاول إغلاقها بعناء بعد أن كدس فيها كل شيء ما عدا زجاجة العطر التي فضل إبقاؤها في جيب معطفه كي تبقى قريبة منه يخرجها كلما أراد ذلك ..خرج من منزله وأستقل سيارة أجرة إلى محطة القطار الذي سوف يقله إلى مقره الجديد في العمل بعد صدور قرار نقله إلى هناك، كان سارحاً بالنظر والتحديق في شوارع مدينته وكأنه يودع فيها كل شيء تماماً كما ودع أسراب الحمام.مرت دقائق وهو على تلك الحال حتى صرخ فيه سائق الأجرة: لقد وصلنا يا سيديترجل من السيارة وتوجه نحو البوابة الرئيسية وبالتحديد إلى شباك التذاكر، يلحق به سائق الأجرة وهو ينادي: أيها السيد .. لقد نسيت الحقيبة، أخذ الحقيبة من ذلك الرجل وهم بسيره كمن لا يريد أن ينظر خلفه ؟!ركب القطار وهو يكرر النظر إلى ساعته وكأن الوقت يمضي زحفاً ببطء قاتل، ظل كذلك حتى تحرك القطار، أزاح الستار عن نافذة مقعده وصار ينظر إلى مشارف مدينته وبقايا ذكرياته وكل مكان قد يكون رآها فيه أو جلس معها بقربه وكأنه طائر مهاجر يودع عشه بعد حلول فصل الشتاء .. قطع عليه تفكيره صوت سيدة كانت قد جلست جواره وهي تقول: لهذه الدرجة أنت معجب بالمنظر في الخارج؟ يرد عليها وقد تنفس الصعداء: لا، ولكني راحل عن مدينتي وأحببت أن أودع كل شبر منها وكل ذكرياتي الجميلة فيها .. تمد له كوباً من القهوة: تفضل فأنت بحاجة إليهتناول الكوب من يدها وأطبق عليه بشدة بين يديه وقد تذكرها وهي تمد له كوب القهوة وكيف أنه كان يتناوله من يدها ومن ثم يضم يدها إلى صدره حتى الثمالة، مرت ساعتان من الوقت ولم يتبقى سوى القليل على موعد الوصول، لقد قضى وقته يتحدث مع تلك السيدة عن المدينة التي أنتقل إليها لأنها تقطن هناك منذ زمن.توقف القطار وتزاحم الركاب على الأبواب، أما هو فما زال جالساً على كرسيه ينتظر أن يخف الزحام .. توجه إلى باب القطار بقدمين مثقلتين ووضع قدمه على أرض تلك المدينة فوجد من بين الزحام مجموعة تنتظر وصوله لتستقبله وترافقه بقية حياته في تلك المدينة، تلك هي الغربة و الوحشة وألم الشوق إلى صاحبة العطر التي تركته و ذهبت تبحث عن قلب آخر تحرقه بحبها كما أحرقت قلبه من قبل ..

للمزيد .. يشرفني زيارتكم لمدونتي المتواضعة "بقـــايـا"
http://www.remains1975.blogspot.com/



الثلاثاء، 25 مارس 2008

لازم نتكلم و الا فعلي الدنيا السلام


اول بوست .... العنوان مش سهل
لا تمسني بسوء
لانني من حقي ان تحترم حقوقي كإنسانه
لسنا في غابه كل ما نشتهيه نأخذه و القانون الموجود هو الصمت
مدونه هي حق كل أنثي في أن تقول لا في وجه كل من يحاول ان يجعلها سلعه
او مجرد جسد يشتهيه
فهي إنسان قبل أن تكون أنثي
و بدلا من أن يصبح الرجل الذي خلقت من ضلعه
سندا لها و مركزا لحمايتها
أصبح ... هو مركز من مراكز الخطر حتي و إن كان في سن أبيها
أرجو التواصل
كي نقوم بحمله
ضــــــــد هذه الطريقه السافرة في التعامل مع الأنثي في مجتمعاتنا الشرقيه
التي يخاف فيها بعض الرجال علي ابنته و لا يخاف علي بنات الناس

و سيكون شعاري كإنسانه في هذه الحمله
" يظل هناك طاقة نور علي الطريق .... ليس كل الرجال حيوانات فكثير منهم أيضا يحترمون الأنثي و لكننا نحارب الفئات الاخري"

شكرا لكل بنات جنسي و لكل رجل يري ان فكرة المدونه قد تعطينا القوة لمواجهة أخطائنا

الامضاء:
إنسانه (أنثي)
أتمني ان يوافقني المدونين أو الـ(بني آدمين*) عموما علي تلك الفكرة
لمحاربة هذه الظاهرة التي أصبحت في كل الاماكن و في كل الاعمار
و لمن عنده قصه او كلمه او معلومه او صرخة فليبعثها لي علي الايميل التالي
شكرا
للتعليق عليها

من مدونة : لاتمسني بسوء

قطعة ثلج ..

هي كذلك مشاعرها، قطعة ثلج رغم أنوثتها البارعة، ورغم أقنعتها التي تجيد تقلصها بين حين وآخر ..

حتى أجمل وأرق العبارات الساحرة التي تفعل بالأثنى فعل السحر كانت تمر عليها مر السحاب ولم يكن لها أي أثر ظاهر على ملامحها الكاذبــه التي لطالما أتقنت تصنع الطيبة والبراءة من خلالها ..

سبحان الله، كيف يكون لأبن آدم أن يعيش على خواء وكيف يكون لحواء أن تخدع آدم بعد حبه لها ؟! دنيا غريبة يتعاقب فيها الليل والنهار وكذلك مشاعر البشر يتعاقب فيها الحب والكراهه .. الأمانة والخيانة .. الصدق والكذب .. وكذلك الموت والحياة .. لا حياة للورد دون لونه القاني ولا عذوبة فيه دون رائحته العطره ولا رونق له دون ساقه الأخضر الغض .. وكذلك هي مشاعر البشر لا طعم ولا لون إن لم تكن صادقة نابعة من بين خلجات القلب لا تحريف فيها ولا تزييف .. قطعة الثلج .. يا قطعـــة الثلـــــج .. لا أذابك الله ،،

للمزيد .. يشرفني زيارتكم لمدونتي المتواضعة "بقـــايـا"

http://www.remains1975.blogspot.com/



عنصرية

هو انت عنصرى ؟

سؤال واضح و محدد و صريح

طبعا حتقولى لا انا مش عنصرى

فكر كدا قبل ما تجاوب و قولى كام مرة شوفت أطفال صغيرين بيشتموا واحد او واحدة من أصحاب البشرة السمراء و متدخلتش علشان تمنعهم او حتى تعتذر للانسان دا او تحاول تساعده او على الاقل تحاول تتكلم مع الاطفال و تفهمهم ان اللى بيعملوا دا غلط

فكر كدا و قولى كام مرة سمعت أتنين تلاتة واقفين بيتكلموا على أصحاب دين اخر غير دينك بطريقة بذيئة و لم تحاول الاعتراض او تصحيح المفاهيم

فكر كدا و قولى كام مرة ضحكت على نكت بتستهزئ بساكنى المحافظات الاخرى زى الصعيد و المنوفية و الشرقية !مع أنهم أذكى و أطهر مننا نحن ساكنى العاصمة و أخوتها

لحظة واحدة

بالرغم من أنك ممكن تكون عملت كدا كذا مرة !!بس لو أى حد سألك ايه رأيك فى صاحب البشرة السمراء ! او صاحب الدين الاخر حتقول انه أنسان و له نفس الحقوق اللى ليك !! يعنى أحنا مشكلتنا اننا عنصريين بس من غير مانقصد !

أ

كنت بحضر حفلة أنا مصرى فى الساقية لفرقة أيهاب عبدة و الفرقة بتغنى أغانى بتقرب من المصريين بمختلف الوانهم و بترسخ فكرة الأنتماء للبلد و قبل ما الحفلة تخلص وقف أيهاب عبدة و أتكلم عن أحد أعضاء الفرقة و هى ميشيل الامريكية صاحبة البشرة السمراء التى رفضت الحضور !! لانها تُعامل فى الشارع المصرى بطريقة مهينة و أكثر من مرة تم سبها بطريقة او بأخرى و لما راحت القسم تشتكى الظباط ضحكوا انها جاية تشتكى !!! يعنى حتى الظابط مش عارف يبينلها انه مهتم بالموضوع !بس عادى يعنى مش غريبة !! طبعا هى أتصدمت و رفضت تنزل الشارع تانى

المهم انى حسيت انى مش سلبى و لا حأقدر أعيش سلبى انا بعت أيميل لأيهاب عبدة و هو بعتلى أيميل ميشيل و بعتليها أيميل باعتذر فيه عن اللى حصلها و قلتلها اننا مش كلنا سلبيين و مش كلنا عنصريين

دا أيميل ميشيل يا ريت تاخد من وقتك دقيقة واحدة و تحاول تثبت انك مش عنصرى او انك رافض تكون عنصرى

pangaea_services@yahoo.com



حسبى الله ونعم الوكيل

حسبى الله ونعم الوكيل لكل من ساهم فى حملة "اليوم العالمي لنزع الحجاب" رأى الشخصى أن هؤلاء الاشخاص ليسوا بمسلمين كيف يكونوا مسلمين وهم يقوموا بالدعوة للفجور والدعوة الى المعاصى .
أنا مع الكثيرين أن هناك أختلاف على أرتداء النقاب أذا كان فرض أو أختيارى أما الحجاب فثابت بالقرأن والسنة الشريفة عن نفسى أعتبر خلع الحجاب دعوة صريحة للزنا
لماذا تقوم المرأة المتزوجة بخلع حجابها ماذا تريد ألا يقوم زوجها بأشباعها جنسيا فتسعى وراء غيره لجذبه أليها وتقوم بأظهار أنوثتها ومفاتنها للاشخاص الاخرين الذين هم محرمين عليها بالعقل والمنطق ما يسمى هذا هناك الكثير من السيدات كن يقمن بأظهار مفاتنهن قبل الزواج ولكن بعد الزواج والاستقرار ألتزامنا بتعاليم الاسلام الحنيف من أرتداء الملابس المحتشمة وأرتداء الحجاب حتى أن بعضهن يلبسن النقاب عن أقتناع وليس تنفيذا لرغبة الزوج فهى لم تعد تريد شىء الزوج وقد تزوجت ماذا تريد يعد ذلك أجيبونى جزاكم الله خيرا
أعتذار أذا كان أسلوب حديثى به بعض القسوة والشدة ولكنه نتاج طبيعى لما أسمع به من دعوات صريحة للبعد عن الاسلام وتعليمه وفى النهاية أؤكد أن القائمين على هذه الحملة لم يدخل الاسلام قلوبهم وأن كان نكتوب فى بطائقهم الشخصية مسلمين.

الفن تعبدا"


ارتبط الفن التشكيلى دائما بالطقوس الدينية للانسان ونرى هذا فى كثير من الاثار حول العالم ولجميع الثقافات تقريبا منذ الانسان البدائى الذى رسم على جدران الكهوف -جنوب فرنسا والصحراء الليبية- الوحوش التى كانت تشكل فى وعيه البدائى القوى الغامضة القادرة على قتله أى سلبه الحياة او اطعامه أى منحه الحياة ...ثم وجدنا صور وتماثيل للآلهة فى الحضارات اللأشورية والفرعونية واليونانية والرومانية والصينية والانكا(امريكا الجنوبية) وغيرها وحتى الديانات المعاصرة مثل الهندوسية والبوذية وغيرها لازالت تحتوى طقوسها ومعابدها على كثير من فنون النحت والتصوير. ولم تختلف الديانات السماوية -وان اختلف مظاهر التعبير فيها - عن اتخاذ الانسان للفنون وسيلة للتعبير عن الروحانيات واحيانا" جعل الفنون جزءا من طقوس العبادة وهنا ازعم ان الاسلام وما اشاعه من ثقافة جديدة جعلت المسلمين ينتجون فنا" مختلفا ايضا" حيث برع الفنان المسلم فى ابتكار زخارف ونقوش باستلهام عناصر الطبيعة نباتات وحيوانات وايضا" الحروف التى شكلت عنصرا مهما من عناصر الزخرفة فأبدع لوحات خطية تؤدى معنى وتحتوى على قيم جمالية بصرية ولم يكن هذا فقط بسبب منع تصوير الكائنات الحية بل الأهم فى نظرى هو منزلة القرآن كتابا مقدسا" بين المسلمين وايمانهم بأنه كلام الله الذى يلزم وجوده امامهم طول الوقت لذلك نجد ان الحروف العربية وهى التى ظهرت فقط منذ خمسة عشر قرنا" جرى عليها الكثير من التطوير على مستوى الشكل والنسب وذلك بعد ظهور الاسلام وفى اماكن مختلفة من الدولة الاسلامية -بغداد والبصرة والقاهرة واسطنبول وغيرها.....اظن ان الفنان المنتمى للثقافة الاسلامية -وليس بالضرورة ان يكون مسلما- اذا اراد ان يعبر صادقا عن بيئته ومجتمعه فلن يجد اروع من الحروف العربية كمكون اساسى من مكونات العمل التشكيلى وبالطبع لا اقصد هنا كتابة الآيات او الأحاديث الشريفة او حتى الأشعار وما شابه ذلك ولكن اقصد الحروف المجردة وتكويناتها وبنائها الخاص حتى ولو لم تشكل جملا" مفيدة بالنسبة للمتلقى واستطيع ان اعود بالفضل فى خلق هذا التكوين الفريد لاستخدام الخطوط والحروف داخل بناء اللوحة التشكيليةالى الفنان الفرعونى الذى امتلأت جدارياته وبردياته بمفردات الأبجدية الهيروغليفية ممتزجة بصور الآلهة والملوك بل وحتى الفلاحين وعامة الناس ارجو ان يكون لى فى هذه النقطة الأخيرة بحث آخر قريبا باذن الله
*اللوحة السابقة لحروف ك ه ى ع ص من تصميمى والتنفيذ رقميا عام 2008

http://7arfwaw.blogspot.com/

السيادة في العيادة



أعلنت مستشفيات مصر حالة الطوارئ خاصة اقسام العظام بعد ان قام وزير الخارجية المصري احمد ابو الغيط بتكسير اقدام طاقم السفينة الحربية الامريكية الراسية في قناة السويس وذلك رداً على قيامهم بالتعدي على السيادة المصرية وتحويلها زيادة وذلك بقتل شاب مصري واصابة آخرين في الحادث الذي تناولته
وكالات الانباء بالامس.
ولم تعلن حتى الآن اية جهة عن مسؤوليتها عن حالة الخلل النفسي التي اصابت الجنود الامريكان ودعتهم لارتكاب هذا الفعل الشنيع غير مدركين لعواقبه الوخيمة على العلاقات بين البلدين والتي من المنتظر ان تشهد توتراً ملحوظاً قد يدفع مصر لقطع معوناتها لأمريكا خاصة المعونات الغذائية والعسكرية.

وسنوافيكم بتطورات الاوضاع على الصعيدين المحلي والدولي وتداعيات هذا الحادث على كافة المسارات.

الاثنين، 24 مارس 2008

قيظ

Image hosted by servimg.com
قيظ
شرب الماء لا أملك أفعل غيره. ومع سفّ وبلع ريقي أشعر بالاشمئزاز من لزوجة إبطيّ ولوْطهما بفعل التعرّق. (يع) تنط كل شوية ما بين كلماتي. عفوا محدّثي فالنار تحت كرسيي. أخلع فانلتي وأبقى بالداخلية. أدوّر المروحة وأرقبها بزفير محروق. أتململ في قعدتي. أراوح ما بين فخذيّ. الخروج إلى الشرفة في هذا الجو يا مخبولَ جنون. واللبس والانحدار نحو الشارع إلى الجامعة مجازفة.
تراودني نفسي بيد أن الكنز برذاذاته المنعشة لا يحل المشكلة. وأبقى أناجي سيجارتي حتى الظهر...

أحمد منتصر
في
ربيع الأول 1429

سوق على مهلك سوق وحياتك ماهيعتقوك

مبروك عليكم وعلينا قانون المرور الجديد، اللى خلال ايام حيكون بيعرض امام مجلس الشعب، وطبعا موافقون على بركة الله، ومين يا جماعه يكره ان الفوضى فى شوارعنا تتنظم شوية ، كتر الف خيرهم
***
القانون الجديد حيبقى فيه تغييرات كتير، منها مثلا ان المخالفة حتبقى على السائق مش على المركبة زى زمان، لانهم بعد بحث وجهد اكتشفوا ان السائق هو المسئول مش العربية، يبقى هو اللى يشيل المخالفة حتى لو مش صاحبها، ودى حاجة كويسة علشان كل واحد غصب عنه يحافظ على عربية غيره ، وخصوصا ان مبالغ المخالفات حتكون مرتفعه، ده على حسب اللى سمعته بس لسه التسعيره منزلتش
***
مش بس كده، السائق اللى حتتكرر مخالفاته حتتسحب رخصته خالص، ومش بعيد يدخلوه مدرسة المرور من جديد علشان يوافقوا يدوه رخصة تانى، ولو فكر يطلع من وراهم بدل فاقد للرخصه المسحوبة، يبقى ليلته ليلاء ، لان الباشوات عملوا قاعده بيانات جديدة متسجل عليها دبة النملة، وساعتها حيبقى بيعرض نفسه للغرامة ومش بعيد الحبس
***
حاجة كمان، اللى حيسمح لحد اقل من 18 سنة انه يسوق عربيته ويعمل بيها حادثه لا قدر الله، مش حيقدر يقول الواد اخدها من ورايا، لانه ببساطه حيتحمل نفس العقوبة الجنائية والمادية، بس هل ياترى الحكاية دى حتتطبق على ولاد الكبرات، ولا معمولة بس لسواقين الميكروباصات اللى ماشيين من غير رخص وتحت 18 سنة ؟؟
***
وبمناسبة الميكروباصات ، حيبقى ممنوع منعا باتا انها تقف على مطالع الكبارى، او تمشى وبابها مفتوح، والتكاتك دى انسوها لان حتشتغل بس بين القرى والطرق النائية، غير كده الزامهم بالسير على يمين الطريق ، كان غيرهم اشطر!!
***
ولاننا نعيش عصر الحكومة الالكترونية، فسيتم تركيب كود على اللوحات المعدنية يمكن قراءته الكترونيا، ايوة بالظبط زى اللى فى الافلام الاجنبى،لما يحط الظابط الجهاز عليه يقوم يعرف اسم صاحب العربية واسم السواق والتباع كمان وبيحمل من موقف ايه
***
اما العربيات النقل فدى بقى حكايتها حكاية، حيحطولها نظام محدد للسرعات ، وتمشى فى الحارة المخصصة لها يمين الطريق، لغاية ما ربنا يفرجها وخلال 3 سنين يلغوا المقطورات خالص ويمنعوا استيرادها، على ان تقوم المصانع المحلية بانتاج البديل فى شكل وحدة نقل واحدة ، استر يارب ، بقى هى سياراتنا المحلية اللى حتقلل الحوادث!!!
***
غير كده حيركبوا فيها صندوق اسود علشان يعرف خط سير السيارة النقل واذا كان السواق قبل ما يتقلب بيها كان بيشرب بانجو ولا دى عملية انتحارية، كمان حيجيبوا الجهاز اللى بيكشف عن تعاطى الكحول بالنفس ،طب ما كفايه الباشا يقوله قول حاحا وحيعرف على طول اذا كان شارب حاجة ولا لا
***
صحيح القانون الجديد ليه حسناته زى تغليظ العقوبات للسير فى الاتجاه العكسى وتعريض حياة الناس للخطر قد تصل للسجن،لكن نقدر برضه نستخلص منه شوية حاجات:-
1-ان شاء الله حصيله الداخلية حتكون وافرة بعد تطبيق القانون، لان من خلال تجاربنا اى قانون جديد بيبقى فيه كلمة تشديد العقوبة بيجى من وراه فلوس كتيرة ، خصوصا لو كان بيدى الاختيار بين الدفع او الحبس

2-بعد ما كان عسكرى المرور بيرضى بالخمسة ولا العشرة جنيه المطبقه، دلوقتى حيبتدى يساوم على مبلغ اكبر لانه حيبقى عارف ان روحك بين ايديه

3-هنيئا لمستوردى كود اللوحات المعدنية والجهاز اللى بيقرا الكود ، الصندوق الاسود بتاع النقل، الجهاز اللى بيقول حاحا، وكذلك مصنعى السيارات النقل المحلية اللى حتبقى ان شاء الله احسن من المستوردة وتمنع الحوادث خالص
***
السؤال بقى اللى بيطرح نفسه هل سنكون جميعا سواسية امام قانون المرور الجديد؟ يعنى سواق الميكروباص زى سواق عربية البيه او الباشا، الراجل ابو عربية 128 على ادها، زى اللى راكب عربية محدش يعرف ينطق اسم ماركتها
***
حتى يظهر القانون للنور، ونعرف راسنا من رجلينا ، كل اللى اقدر اقولهولك عزيزى المستمع ((طريق السلامه))
واهــــــــو ده عيبـــــــــه

احلام شاخت

ليل طويل لا ينتهى، ساعات كأنها ايام و ايام كأنها سنين طوال لا تمر، مرارة تزداد، قلوب تخلو من الحياة و عقول لا تتعب و لا تمل، وانا اتناثر على اشلاء حياة، لا املك سوى احلام من كثر الكبر شاخت و اوشكت على الموت، و اقلام جفت بعدما كانت تتلاعب بالكلمات، و قلب ثقيل خالى من النبض بعدما كانت تتراقص على نبضاته حياة الكثيرين.ولكن هناك سراج فى ليلى المظلم، هناك يد حنون و بسمة مشرقة اتمنى لهما نهار طويل لا ينتهى ابدا

السبت، 22 مارس 2008

حمامة السلام ..


لونها أبيض ؟! وفي فمها غصن زيتـــون ..
جعلوها رمـــز للسلام .. و للوئام
صارت كذبة .. لونها أبيض
أطلقوها .. حرروها ..
فلما طارت .. وأعتلت هام الغمام
قصفوها .. أسقطوها
مزقوها ..
ليتهم ما أطلقوها .. ليتهم ما حرروها !!
ليتهم في عشها تركوها ..
قلنا لهم لمى كل هذا؟!
قالوا لنا: لأنها .. وأنها وأنها .. وأتهموها "بالإرهــــاب"

الجمعة، 21 مارس 2008

لماذا الإعلاميون في مواجهة الإعلاميين الجدد؟!



منذ فترة قصيرة زمنا -ليست بالقصيرة خبرة وحركة وأحداثا- قفزت أمامنا تجربة جديدة من الصحافة ونقل الوعي، فظهر ما اصطلح عليه نشطاء باسم الإعلام البديل، الذي ضم في ثناياه كل طرق إيصال المعلومة الجديدة، من مواقع ومدونات ومنتديات بل أيضا الفضائيات ومنابرها وما تتيحه، وحتى الصحافة الورقية التي تنجح في الإفلات من تحت مقصلة الرقيب –وليس قلمه- صار البعض يطلق عليها إعلاما بديلا.







ويبدو أنهم كانوا يعنون بهذه الكلمة كل إعلام بديل للإعلام المملوك للدول والحكومات، أو الإعلام الذي يتكلم بمساحة من الحرية تزداد عن تلك الهوامش الضيقة من الحرية الممنوحة في وسائل الإعلام الرسمية والصحف القومية.





بدأ الإعلام البديل ضعيفا مقصورا على نخب بعينها، وسرعان ما قفز على مانشيتات بعض الصحف، واحتل أولويات اهتمام بعض الشباب من مرتادي النت بلا هدف ولا هوية، حيث وجدوا من خلال المدونات وشباب الحركة الواعية -على اختلاف اتجاهاتها- أهدافا يجب أن توضع في حسبانهم ونصب أعينهم.






ويبدو أن الإعلام البديل عموما والمدونات خصوصا -بما أحدثته من جدل حولها لفت الأنظار إليها- بدأت تحدث صداعا في رأس من اعتادوا على التحكم في هوامش الحرية وما يقال وما لا يقال، ويبدو أن الانزعاج الأكبر كان من نصيب بعض أساطين الإعلام المقنن أو القومي المملوك، فقد بدءوا يرون أبراجهم العاجية يهددها بعض صغار المدونين، وصروحهم الشامخة بدأت بعض المواقع تنافسها من حيث عدد القراء وتفوقها في المصداقية.






وبدأت الحملة






من هنا بدأت الحملة، الحملة التي انطلقت شرارتها من الإعلاميين على الإعلاميين الجدد، فبدءوا يشنون حربا يشعلون أوارها ويضرمون نارها بأقلامهم ومحابرهم، بدلا من احتوائه وإفساح المجال لهم وتوجيههم دون الحجر على آرائهم، وأصبح من الممكن للقارئ العادي أن يرى جليا بين السطور استعداء السلطات -التي لا تحتاج إلى استعداء أصلا- على أصحاب الأقلام الحرة الذين وجدوا بديلا ومتنفسا ينشرون فيه آراءهم بعيدا عن مقص الرقيب ومقصلته.







وسرعان ما لبت السلطات النداء وبدأ التنكيل.. فهنا يعتقل مدون، وهناك يحال صحفي للمحاكمة العسكرية، وآخر يتهم بترويج شائعات لم يكتب قلمه عنها شيئا، وبين هنا وهناك يضرب ويستدعى ويهدد آخرون.. لا لشيء إلا لإسكات ذلك الصداع المزمن الذي أحدثه ذلك الإعلام البديل.





ولكن يجب أن نتساءل: لماذا بدأت الحملة من الإعلاميين والصحفيين؟ ألم يكن الأولى أن يكونوا المدافعين عن زملائهم؟ أم إن زملاءهم حقا خانوا شرف المهنة كما يدعون فوجب بترهم كما يستأصل الورم؟








الدخان يكون من غير نار أحيانا!






أحيانا عندما تقرأ صحيفة قومية تكاد تصدق ما تقرأه وتكذب عينيك، أو تميل إلى تصديق ما كتبوا إن لم تكن طرفا في القضية المطروحة، أو ربما تجزم بصحتها إن لم تكن صاحب علم بالموضوع.. أو على الأقل ستصدق بعضه على اعتبار أنه لا دخان بدون نار أو كما في المثل الشعبي "مفيش دخان من غير نار"، أما إن سبق لك موقف تعرفه وقرأت عنه في صحفهم فإنك ستقف مرارا وتكرارا متسائلا ومتشككا.. فأنت تعلم جيدا عدم مصداقيتهم.





بدأ ذلك معي عندما دخلت عالم التدوين، كان ذلك عقب اعتقال طلاب جامعة الأزهر على خلفية ما تم تسميته بمليشيا لأزهر، عندها كتبت عن طلاب أعرفهم من بين المعتقلين، أوضحت حقيقتهم؛ فأنا أعرفهم جيدا، ليسوا كما يقولون..







ما كتبته عن هؤلاء الطلاب في مدونتي نقله عني حينها أكثر من موقع من بينهم موقع طلاب جامعة الأزهر "azharway.com".. وبعدها فوجئت بمن يرسل لي هذا الخبر من جريدة الوطني اليوم: "المحظورة تخترق الإنترنت لتجنيد الشباب"، وذكرت في ثنايا الخبر -الذي كتبه هيثم سلامة الذي لا أعرفه ولا أعرف عنه شيئا- اسم مدونتين؛ مدونة أنا إخوان وما قمت بكتابته على موقع أزهرواي، تعجبت جدا حينها مما ذكرته الجريدة، حيث إنني أذكر أنني حينها لم أكن قد تعرفت على مدون واحد حتى يشتبه في محاولة تجنيده، وحينها عرفت أن دخان بعض الصحفيين من غير نار.











عندما تلوي الأقلام أعناقها








حينها أصبحت أتشكك في كلام كثير ممن يكتبون وأقف عنده إذا لاحظت فيه شيئا، وعرفت أن الكذب أحيانا قد يطل من بين السطور، وأن بعض الأقلام تلوي أعناقها لتخفي حقائق أو تكفي كذبا، وعلمت أنه عندما يواجه القلم المقال بالسجن والاعتقال فإن ذلك ما يكون إلا ضعفا في الحجة وعجزا عن المواجهة.







ولكنني أدركت أيضا أن حملة التشويه هذه لها ما وراءها، وما وراء حملة التشويه لن يقف عند المدونين فقط، بل ربما ينال ما هو أبعد.. وحدث ما كنت أتوقعه، فبعد حملات مطاردة وملاحقة بعض المدونين بدأت ألسنة الاتهامات والمحاكمات تمتد نحو الصحفيين.. فـ"إبراهيم عيسى" يضر باقتصاد الوطن بسبب إشاعة مرض الرئيس، على الرغم من أنه لم يكن من أشاعها ولم يروج لها.. مش مهم، وآخرون يحاكمون أمام القضاء بسبب تطاولهم على قضاة، على الرغم من أنهم لم يقوموا إلا بنقل ما يتردد في الدوائر التي زور هؤلاء القضاة انتخاباتها في إطار عملهم الصحفي.






ويبدو أننا الآن -بعد إغلاق الشعب وآفاق عربية والأسرة العربية- أمام محاولة استئصال كل منبر والتضييق حتى على الفضائيات والبرامج التي كانت تحظى بحرية نوعا ما مثل 90 دقيقة والعاشرة مساء وفي الممنوع.







صرير القلم أعلى صوتا









النظام الآن باقتحام بيوت الصحفيين وترويع أبنائه وتهشيم كل محتويات المنزل ومصادرة الأرشيف الصحفي يرسل رسالة واضحة، مفادها أن صمت الأفواه ومنع الكلمات لم يعد يكفي للهدوء الذي يريده، وأن صرير الأقلام يحدث ضجيجا وعلينا أن نوقفه.. أن نمنعه؛ لأن الضوضاء الصادرة عن صرير أقلامنا على الأوراق ونقرات أناملنا على لوحات المفاتيح صارت مبررا لملاحقتنا وتهديدنا، أو ربما محاكمتنا كإبراهيم عيسى وغيره، وقد نكون مثل عبد الجليل الشرنوبي فنطارد في الشارع وتهشم محتويات منزلنا ويروع أبناؤنا، وربما يصل الأمر إلى محاكمتنا عسكريا كأحمد عز الدين.



والسؤال الآن: هل سننتظر دورنا أم سنقف مع الصحفيين الذين تنتهك حريتهم؟!.





أنا متضامن مع عبد الجليل الشرنوبي.






بقلم: شهاب الأزهر

الحقيقة المجردة


تريد ان تعرف ما الذي ينقصك فعلا...ما الذي تحتاج اليه...قف امام مراة كبيرة لترى نفسك بالكامل..دقق جيدا في ملامح


وجهك...في تفاصيلك...حاول ان تخترق نظرتك روحك ذاتها..انظر داخلك وحاول ان ترى الاشياء على حقيقتها..لا


أضمن النجاح في ذلك فقط حاول

أنظر الى حياتك..الى ماضيك..والى افعالك واحكم بنفسك ان كنت تستحق فرصة ثانية لتصحح كل اخطائك السابقة أم لا

تنظر الى صورتك في المراة وتتذكر كم كنت سلبيا فيما مضى..سلبي في كل شئ حتى في التعبير عما تشعر به...وتفطن


الى ان السلبية مازالت صديقتك المفضلة...تنظر جيدا لترى كم كنت وغدا وفظا وجاحدا...كم كنت نذلا احيانا

لاتستطيع الاقتناع ان من ينظر اليك من المراة هو نفسه من تنظر اليه من الداخل الان...أيمكن ان يحصل ذلك

انت الان تقف امام الحقيقة العارية... انك كنت في كل يوم من ايام حياتك مجرد ذئب في ثياب حمل..تنكر


متقن..ربما..ولكن ليس امام نفسك..ليس امام مراتك

تريد ان تعرف ما الذي ينقصك فعلا...ما الذي تحتاج اليه...تحتاج الى مراة جديدة لاتعكس صورتك كما هي بل تعكسها


كما تريد انت....فقط لكي تستطيع ان تكمل الحياة..والا فالتغيير هو الحل

الخميس، 20 مارس 2008

والان عرفت ماذا كان الهدف من نشر الرسوم المسيئة


على راي سهير البابلي كل شئ انكشفن وبان
انا قلت زمان ان القاعدة دي منظمة امريكية
ولا تخدم سوى امريكا وليس امريكا بل امراء البترول الامريكان والعرب في مصالح مشتركة
وكان الترتيب ما يلي
1- رسوم مسيئة (وهذه ليست المرة الاولى ولكن هي المرة التي نشروها لنا ووصلوها لنا عن قصد)
2- هياج اسلامي في كل انحاء العالم كي يرى الاوروبيون كيف ان المسلمين كلهم متشددين
3- الثورة تهدأ
4- اعادة النشر لكي يتاكد العالم ان المسلمين ليسوا حضاريين ولغتهم هي العنف والتظاهر
5- توجه الراي العام الاوروبي ضد الاسلام
6- يظهر العميل اسامة بن لادن كي يهدد الشعب الاوروبي ويخوفه بالارهاب .. والان كل الاوروبيين ضد الاسلام ضد العرب ضد العراق
مع امريكا واسرائيل



دبي- رويترز
هدد زعيم تنظيم القاعدة أسامة بن لادن الاتحاد الاوروبي بـ"عواقب وخيمة" بعد اعادة نشر الرسوم المسيئة للرسول محمد صلى الله عليه وسلم، وقال بن لادن في تسجيل صوتي بث على الانترنت تزامن مع الذكرى السنوية الخامسة لغزو العراق الذي قادته الولايات المتحدة ان الرسوم التي نشرتها صحيفة دانمركية وصحف اخرى في اوروبا جزء من "حملة جديدة متورط" فيها بابا الفاتيكان.
اذا قيل قديما ان كل الطرق تؤدي الى روما
فالان كل الطرق تؤدي لامريكا ومصلحة امريكا
ونحن نتحرك بارادتها
وما يصلنا من اعلام سواء كان عربي او اجنبي هو ما يريدون ان يصلنا وما هي الا مسرحية كبيرة ترسم على الشعوب في العالم كله
فاعلم دائما ان ما تراه ليس دائما الحقيقة


تابع ألأخبــار على مـوقع iraq4ever:

سبب الازمة

قال رسول الله صلى الله عليه وسلم (يأتى زمان علي امتى يحبون خمس وينسون خمس ..... يحبون الدنيا وينسون الاخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة فان كان الامر كذلك ابتلاهم الله بالغلاء والوباء والموت الفجأة وجور الحكام) صدق الرسول الكريم
لو أمعنا وفكرنا فى هذا الحديث لوجدنا أن ما أخبر به الحبيب عليه أفضل الصلاة والسلام يتحقق فالناس الانا أصبحت تحب الدنيا وتنسى الاخرة حتى أنهم لا يتذكرون أنهم قد يفجأهم الموت فى أى لحظة كانوا عليه أو أى وضع سواء كان يقوم بعمل خير أو معصية ...... والمال أصبح أهم فعندما يرى الشخص المال ينسى أى شىء ويسعى للحصول عليه حتى يقوم بأنفاقه على ملذات الحياة السائدة هذه الايام فنعم مستوى الشعب المصرى كويس جدا بالمقارنة به منذ عدة عقود ولكن معظم الشعب غير مقتنع بما فى يديه ويريد ما بيد غيره وأكثر والكثير قد الخالق البارىء القادر على كل شىء يعتمدون فى قضاء حوائهم على الاخرين وفى تفكيرهم أن هذه الحاجة لن تقضى ألا ّ أذا قضاها هذا الشخص وليس أن كل شىء بمشيئة الخالق وليس المخلوق وكل شى ء مقدر ومحسوب ..... وأيضا كثرت المعاصى والفجور وأصبح بشكل علنى .
وقد تحقق ما أخبر به الرسول الكريم من غلاء ووباء وموت فجاة وكلنا يعلم هذا ؟؟؟؟؟؟؟؟؟؟
........ تحياتى للجميع

الأربعاء، 19 مارس 2008

وطنى عربى وانا فخور بذالك


اول مره هكتب هنا مش عارف ليه اول ما جاتلى المساهمه وافقت هل لان كلمه عربى جوايا وفى دمى ومش عايز استعر منها او اغيرها لكن الواضح فى الايام دى ان كل العرب كانوا يتمنوا ان يكونوا اميركان حتى لايرون المهانه الموجوده حاليا وهل العروبه اصبحت فعلا بقت اهانه يعنى لو انت عربى هتبقى مكروه من الشعوب الاخرى نظرا لكلمه امريكا العرب هم اساس الارهاب هل بذالك اصبحنا ارهابيين ام لابد من فرض الطاعه والولاء للحلم الامريكى والاسرائيلى الذى لن يكون الا فى ولاء العرب انا فخور بانى عربى وفخور بانى ضد الكيان الصهويونى وضد الحلم الامريكى مع ان ذالك الكلام يضعنى ضمن الارهابين لكن اذ هم ارادوا ذالك فلهم ذالك لكن لكل منا طريقته فانا استطيع ان ارهبهم بذكائى بحبى لوطنى بالامل القادم الذى لا يراه الا انا اذا كنت عربى لا تخجل ؟

انا مصرى عربى وفخور اذا كنت فخور مثلى افعل ما تراه صحيح

دعاء


اللهم انى اسلمت نفسى اليك ووجهت وجهى اليك واوكلت امرى اليك وأوليت ظهرى اليك

اللوحة صممتها 1997 م. تم تنفيذها رقميا على برنامج (ACAD)

الاستفتاء

لفت أنتباهى وجود تصويت عن الوضع الذى ألت اليه الانظمة العربية من سوء قيادة ووجود فساد أدارى فى جميع الانظمة حتى الاسلامية منها وزيادة المحسوبية والوسطة . حيث جاء التصويت يطلب الا ختيار بين 1 - التطرف 2 - الهجرة 3 - التملق للانظمة والانضمام تحت ألوايتها.
وأنا من رأيا أن هذا التصويت غير كامل حيث أنه من المفترض ان يتضمن أختيار رابع أيضا وهو المحاولة للتغير وليس التغير بقلب نظتم الحكم أو التمرد أنما ( محاولة أصلاح ما أفسده الغير ) والاهم البداية بأنفسنا حيث اننا من نساعد على زيادة هذا الفساد ونشجع عليه بسكوتنا عليه وعن نفسى ألقى العديد من الصعوبات فى عملى مع الموظفى الذين أستشرى فيهم الفساد لدرجة كبيرة ولكنى أعرف حقوقى تمام العلم وأطالب بها وأقوم بما فى استطاعتى حتى تؤدى الخدمة لى بدون مقابل ( رشوة ) ولكن هنالك العديد من الاشخاص من يأخذ الطريق السهل بالدفع مع أنه سوء قام بالدفع أو عدم الدفع ستؤدى الخدمة له أى أن العيب مننا نحن أى أننا لابد أن نقوم بتقويم أنفسنا أولا حتى يتم تقويم الانظمة وقيادتها.
هناك جملة لا أنساها أو وللعلم عند الله حديث فى الانجيل ( من هو بلا خطيئة فليرمى بحجر ) أى من ليس بلا عيوب فليقوم بأنتقاد غيره وهذا حسب فهمى وتفسير لهذه الجملة .
وأخيرا هذا مجرد رأى ليس ألا ....... وتحياتى للجميع

لحظة اللقــــــــــاء ..

ها هي ذا تعود لتجلس على ذلك الكرسي الهزاز القابع في أحد أركان غرفتها الصغيرة، وها هو الشرود يعاودها مرة أخرى ليسيطر على تفكيرها ويأخذها إلى شواطئ الحيرة الذي تعودت أن تقف على رمالها تتأمل أمواج بحر الغربة العاتية وهي ترسم أمامها صور أحب الناس إليها وكعادتها كانت تضم إلى صدرها صورة أمها الحبيبة التي لطالما كانت تلهج بذكرها في كل وقت فيرتسم طيفها أمامها لتنحدر دمعة دافئة من عيناها الجميلتين هي فيض تلك المشاعر التي كانت تملأ قلبها حباً وشوقا .. ويمر الوقت كعادته إذا كنا بعيدين عن الأحباب يكاد يخنقنا من شدة طوله وبطئه، وما زال شبحه يراودها حتى في منامها .. لقد كان قاسياً عليها كقسوة الصحراء على زهر الربيع، وكانت هي تحن إليه كحنين الأرض الجدباء إلى دمع الغمام .. كم هي قاسية هذه الحياة التي تعيشها .. وكم هي مظلمة تلك الدروب المتشعبة التي كانت تسلكها !! يقطع عليها خلوتها تلك صوت جرس الباب .. ولكن !! من الذي سيأتي في هذه الساعة المتأخرة من الليل .. لقد فزع صغيرها من نومه فأخذته لتضمه إلى صدرها، ذلك الصدر الحنون الذي لطالما كان مستقره الأخير إذ أنه لم يجد صدر والده قريباً منه ليضمه إليه هو الآخر حيث قضى سنوات عمره في إتمام دراسته بعيداً عن زوجته وطفله الأول الذي فقد حناناً كبيراً منه .. هرعت مسرعة صوب الباب لتفتحه، من بالباب؟ .. وإذا بصوت رخم ظهر عليه أثار التعب يجتاحها ويتغلغل في أحشائها لتفر دمعة أخرى من عينها وتتلعثم في كلامها فتضع صغيرها جانباً وتفتح الباب لتقف صامته يكاد الشلل يسيطر على أطرافها ليسلبها ما تبقى لها من قوة .. يا للمفاجأة أنه هو !! رفعت عيناها في عينيه وكأنهما سبقاها إليه بالشكوى عن هذا الغياب وقسوة الوقت في بعده وفي نفس الوقت يأتي ذلك الشوق الدفين ليظهر ويزاحم تلك المشاعر فيتغلب عليها ويحرك في جسدها كل ما سكن فيأخذها إليه لترتمي في أحضانه وتضمه إلى صدرها بما أوتيت من قوة .. أخذ بيدها وأغلق الباب من خلفه وكأن الحياة عادت إليه بعد طول هذه المدة، فبدأ الدم الدافئ رحلته من جديد في عروقه المحبة لها .. حمل صغيره بين يديه ليقبله قبلة حارة كلها شوق و اعتذار في نفس الوقت ويعيده في سريره ليتم نومه .. أما هي فقد كانت تنظر إليه وكأنها تراه للمرة الأولى .. وبعد أن جلسا قرب المدفئة قدم لها أجمل هدية كانت تتمناها إذا قال لها بصوت منخفض .. لقد أنهيت دراستي وها أنا قد عدت لكي أبقى معك .. فلا فراق بعد اليوم ..


وقفه: هل طلب العلم يحول بين المحبين ويهدم ذلك العش الجميل الذي لطالما تحملوا الصعاب من أجله.

حلوة المولد

مولد الرسول الكريم صلى الله عليه وسلم نعم مولد الرسول أصبح أهم أساسيات المولد هى حلوة المولد عادة أصبحت شىء أساسى فى حياة الشعب المصرى لايمكن الاستغناء عنها حتى أن الناس قد نسيت أرتفاع الاسعار والغلاء ويشترون حلوة المولد وصل الحد بالشعب المصرى الى هذه الدرجة مع أن معظم الشعب الان متعلم ومثقف ومطلع على مجريات الامور أذ أن أقل شخص لديه من الوسائل ما يمكنه من متابعة كل جديد عن طرق الفضائيات حتى أنك تجد الفلاح العادى ورجل الشارع الغير متعلم يتحدث فى أمور لا تتوقع أن يكون على دراية بها ولكنه من متابعته للفضائيات أصبح يشكل الوعى وثقافته الخاصة به ةيتحدث فى أمور سياسية وأجتماعية ودولية قد كان لا يعرف عنها شىء قبل زمن ليس بالبعيد, ولكننا مازالنا نجد الشعب المصرى يجمع على حلوة المولد والتى لابد منها حتى يكون هناك طعم للمولد النبوى والتى أذا لم توجد لا يكون هناك أى مولد وكذلك الزفة التى يخرج بها كبار التجار والصناع بالقرى الصغيرة هل هذا هو الاحتفال بمولد رسولنا الكريم ؟ هل هذا ما كان يقوم به الصحابة رضى عنهم أجمعين ؟
أتمنى أن يفوق الشعب المصرى وينمى ثقافته الدينية تنمية دينية صحيحة من أكثر من مصدر من الوعاظ والعلماء ولا يعتمد على شخص بعينه.... تحياتى للجميع

الثلاثاء، 18 مارس 2008

خلق الإنسان فى كبد .... فى فلسفة السعادة



( منظور آخر للسعادة)

لا أظن أننى قابلت أحداً فى حياتى لم يكن يتمنى السعادة

أو لم يكن يبحث وبجهد منقطع النظيرعن ما يسعده

وان اختلف مصدر السعادة و وسيلة الوصول اليه ،

ولا أظن مطلقاً أننى سأجد ذلك الشخص

الذى لا يتمنى سعادته ولا يسعى اليها ،

فحتى ذلك الذى يعشق الحزن والألم

ويتمتع بلوعة الفراق ومعانى الشجن والعذاب

فإنك لو بحثت فى أعماق نفسه

ستجد أن سعادته تكمن فى حزنه وألمه

وانما هو ما يفعل ذلك الا لكى يدرك سعادته ،

ولذلك ولاتفاق الفطرة البشرية على عشق السعادة

وكل ما يؤدى اليها

فنحن لن نتكلم حول لماذا يجب أن يكون المرء سعيداً

فنحن جميعاً اتفقنا على هذه النقطة ،

ولكننا سنتكلم عن مفهوم أوسع وأعمق

قد نختلف كثيراً فى فهمه برغم أهميته الشديدة

بل و قد يؤدى بنا فهمه الخاطئ بالفعل إلى التعاسة

والتى كما اتفقنا أن لا أحد يذهب إليها بمحض ارادته ،

ذلك المفهوم ببساطة هو معنى السعادة

و كيف نستطيع أن نجزم إن كنا حقاً سعداء أم تعساء ،

حتى لا نظل السنين الطويلة نبحث عن سعادتنا فى أماكن كثيرة

ونعلق الامال العريضة بأشياء نظنها هى السعادة بعينها

ثم عندما ندركها نجد أننا خدعنا أنفسنا ،

وأننا أثناء رحلة الوصول إلى تلك الأشياء

التى توهمنا أنها المصدر الأول والأخير لسعادتنا

فقدنا أشياء كثيرة كانت تحمل فى طياتها

التى لم نكن ننتبه اليها أجل معانى السعادة والرضا.


حينما كنت صغيراً كنت أنظر إلى هذه الحياة

بألوانها و وجوهها وأصواتها و أفكارها بانبهار شديد ،

فقد كنت أشعر أننى متناهى فى الصغر أمام هذا العالم الكبير

المكتظ بكل شئ و رغم ذلك فقد كنت أعشقه حقاً،

كنت أشعر أننى أريد أن أفعل كل شئ فى أقصر وقت ممكن ،

أجل كنت أريد أن أشاهد كل الأفلام و أقرأ كل الكتب

وأخرج الى كل مكان و آكل كل الطعام

و أشرب كل الماء و أستنشق كل الهواء ،

كنت لا أريد أن أضيع أى شئ من يدى،

فلقد كنت أرى كل شئ

- ولست مبالغاً عندما أقول كل شئ -

فى هذه الحياة جميل ورائع ،

فكنت كمثل تائه فى صحراء جرداء قاحلة

رأى بستاناً جميلاً يمتلئ بالأنهار والينابيع

ويعج بالأشجار الخضراء والأزهار بديعة الألوان

طيبة الروائح والفواكه لذيذة الطعم جميلة المنظر ....

فانطلق إليه بكل ما أوتى من قوة متمنياً أن يحيا أبد الدهر

فى هذا البستان الرائع الحسن والجمال ،

لم يأتِ بخاطره ولو لحظة ما قد يجده من

طين و أشواك و حشرات

قد تفسد عليه كل هذا الجمال الذى لا حد له ،

هكذا كانت رؤيتى للحياة بخضرتها ونضارتها ،

ولكن ليت كل شئ يحدث كما نحب

فمع مرور الوقت و الأيام أخذ هذا الشعور يتضاءل شيئاً فشئ ،

حيث بدأت المنغصات والمشاكل فى الظهور

و أخذت تزداد وتتضخم حجماً وعدداً يوماً بعد يوم ،

على الرغم من ذلك فقد كنت أمنى نفسى دائماً

أن المرحلة القادمة من حياتى ستكون أفضل بكثير من المرحلة الحالية ،

وأن المشكلة الحقيقية ليست أبداً فى هذه الدنيا الجميلة الرائعة ،

وإنما هى فى تلك المرحلة التعسة

والتى هى فى خيالى دائماً تمثل عنق الزجاجة

والتى بمجرد الخلاص منها فسوف تُقبل الحياة السعيدة

ذات الألوان المبهجة ،

وقد لاحظت أن هذا الشعور

هو القاسم المشترك الأكبر بين كل مراحل حياتى .

فعلى سبيل المثال وليس الحصرعندما كنت فى المرحلة الابتدائية

كان الحلم الذى يراودنى دائماً والذى كنت أراه

الممثل الأكبر للسعادة فى فكرى و وجدانى

كان جهاز الأتارى والذى كم حلمت باقتنائه ،

ذلك بالطبع فضلاً عن جهاز الكمبيوتر

و الذى كنت أراه ضرباً من ضروب الخيال ،

ومظهراً من مظاهر النعيم المقيم

الذى لا جدوى من التفكير فى اقتنائه

فى هذه الدنيا الفانية وإن كانت جميلة ورائعة ،

فمهما بلغت من الجمال والروعة لا يمكن لها أن تصل الى هذه الدرجة ،

بل و قد تسخرون منى

عندما تعلمون أنه قد وصلت بى السذاجة المفرطة

إلى درجة أننى كلما تخيلت الجنة كانت صورة الكمبيوتر

تتجلى بقوة فى ذهنى كمظهر من أهم مظاهر نعيمها ،

أجل لقد كان الكمبيوتر فى وقت من الأوقات

يشكل بالنسبة لى رمز السعادة المطلقة التى لا حد لها ،

وأعتقد أننا لو فكرنا بمنطقية شديدة

سنجد أن كل ما نتمنى أن نلقاه فى جنة الرحمن

يتناسب مع هذا القدر من السذاجة بتفاوت عقلياتنا وخبراتنا فى الحياة طبعاًً ،

لكن فى النهاية مهما تمنينا

فلن نبلغ معشار ما أعد الله لعباده الصالحين

فى جنة عرضها السموات والأرض ،

وقد أقر رسول الله ( صلى الله عليه وسلم )

ذلك حينما أخبرنا أن متع الجنة

لا عين رأتها ولا أذن سمعتها ولا خطرت على قلب بشر ،

لأننا مهما تمنينا فلن نتمنى أبداً ما يحقق سعادتنا الحقيقية

ولكم فى أمنيتى القديمة خير مثال

فالله عز وجل هو خالقنا وأعلم بمصادر سعادتنا الحقيقية

أكثر من أنفسنا حتى و لو أطلقنا لخيالنا العنان بغير حد ،

أى أن الجنة وباختصار شديد

ضمان من المولى عز وجل بإدراك كامل السعادة.

لا أريد أن أتشعب كثيراً ،

ولكن المعجزة حدثت

- والحمد لله فى الدنيا لا الجنة -

حينما ابتاع لنا أبى جهاز الكمبيوت

ر عندما كنت فى نهاية الصف الخامس الابتدائى ،

فشعرت وكأن الدنيا قد جُمِعت لى بحذافيرها

فكانت لحظةًً من أسعد اللحظات التى عشتها فى حياتى ،

و لكنها فى النهاية كانت لحظة لم تزد عن لحظة،

وكانت لمجرد ظنى أن أمنيتى المستحيلة تحققت

- فسبحان الله -

حتى السعادة العظيمة بالأمور المادية المحضة

تكون هى فى ذاتها سعادة معنوية

لاعتقاد وجود مصدرالسعادة ،

لا لأن المصدر فى حد ذاته لعب دوراً فى ذلك

ولكنها سعادة لتوقع حدوث السعادة

التى سيجلبها هذا المصدر ،

وبعد مرور أقل من عام واحد

بدأ بريق هذا الشئ الرائع الجميل يخفت ،

وتحول الى قطعة أثاث طبيعية جداً

فى المنزل قد لا يلتقت اليها أحد لعدة شهور

اللهم إلا أمى التى يجب أن تلمعه دوماً حتى لايصبح سيئ المنظر ،

ولم يكن جهاز الكمبيوتر الا نموذج صارخ

لنفس ما حدث مع الدراجة والتكييف والدش وغيرهم ،

كلها أشياء تبقى جميلة ورائعة

حتى نحصل عليها وبمجرد ذلك تصبح لا شئ ،

بل والأكثر من ذلك أنها فى الغالب تصبح شيئاً سلبياً

أى أن وجوده لا يحقق سعادة ومتعة حقيقية تذكر

ولكن فقدانه قد يصنع أزمة أومشكلة

أى أن فقدانه يجلب هماً وحزناًً.


أنا لسة ما خلصتش كلامى بس عندى مشكلتين :

1- أنا كدة طولت عليكم جداً

2- ايدى وجعتنى من الكتابة على الكى بورد

عشان كدة هاضطر اكمل المرة اللى جاية

ده لو ماكنتوش اتخنقتوا منى

ليصلك جديد المدونة

ادخل بريدك الالكتروني