الثلاثاء، 25 مارس، 2008

عنصرية

هو انت عنصرى ؟

سؤال واضح و محدد و صريح

طبعا حتقولى لا انا مش عنصرى

فكر كدا قبل ما تجاوب و قولى كام مرة شوفت أطفال صغيرين بيشتموا واحد او واحدة من أصحاب البشرة السمراء و متدخلتش علشان تمنعهم او حتى تعتذر للانسان دا او تحاول تساعده او على الاقل تحاول تتكلم مع الاطفال و تفهمهم ان اللى بيعملوا دا غلط

فكر كدا و قولى كام مرة سمعت أتنين تلاتة واقفين بيتكلموا على أصحاب دين اخر غير دينك بطريقة بذيئة و لم تحاول الاعتراض او تصحيح المفاهيم

فكر كدا و قولى كام مرة ضحكت على نكت بتستهزئ بساكنى المحافظات الاخرى زى الصعيد و المنوفية و الشرقية !مع أنهم أذكى و أطهر مننا نحن ساكنى العاصمة و أخوتها

لحظة واحدة

بالرغم من أنك ممكن تكون عملت كدا كذا مرة !!بس لو أى حد سألك ايه رأيك فى صاحب البشرة السمراء ! او صاحب الدين الاخر حتقول انه أنسان و له نفس الحقوق اللى ليك !! يعنى أحنا مشكلتنا اننا عنصريين بس من غير مانقصد !

أ

كنت بحضر حفلة أنا مصرى فى الساقية لفرقة أيهاب عبدة و الفرقة بتغنى أغانى بتقرب من المصريين بمختلف الوانهم و بترسخ فكرة الأنتماء للبلد و قبل ما الحفلة تخلص وقف أيهاب عبدة و أتكلم عن أحد أعضاء الفرقة و هى ميشيل الامريكية صاحبة البشرة السمراء التى رفضت الحضور !! لانها تُعامل فى الشارع المصرى بطريقة مهينة و أكثر من مرة تم سبها بطريقة او بأخرى و لما راحت القسم تشتكى الظباط ضحكوا انها جاية تشتكى !!! يعنى حتى الظابط مش عارف يبينلها انه مهتم بالموضوع !بس عادى يعنى مش غريبة !! طبعا هى أتصدمت و رفضت تنزل الشارع تانى

المهم انى حسيت انى مش سلبى و لا حأقدر أعيش سلبى انا بعت أيميل لأيهاب عبدة و هو بعتلى أيميل ميشيل و بعتليها أيميل باعتذر فيه عن اللى حصلها و قلتلها اننا مش كلنا سلبيين و مش كلنا عنصريين

دا أيميل ميشيل يا ريت تاخد من وقتك دقيقة واحدة و تحاول تثبت انك مش عنصرى او انك رافض تكون عنصرى

pangaea_services@yahoo.com



مواضيع من نفس التصنيف



هناك تعليق واحد:

  1. ليبيا ضحية عملية نصب عالمية

    ليبيا ضحية عملية نصب عالمية

    الطاقة النووية وحتى السلمية منها لها مخاطر منها أنه لايوجد حل معقول للتخلص من النفايات النووية .. اذا تخلصنا منها فى البحر أو فى أعماق التربة فهى ستسمم المحاصيل والاسماك .. واذا حدث لاقدر الله زلازال وانفجرت المحطة فهذا انفجار نووى كامل .. أما اذا أخطأ عامل فالخطورة قائمة وهناك حادثة "ثرى ميل ايلاند" بالولايات المتحدة و" تشرنوبل " فى أوكرانيا بسبب التقصير البشرى.. هذا بالاضافة الى ارتفاع نسبة الاصابة بسرطان الدم للبشر المقيم قرب المحطات النووية " طبقا للتقارير البريطانية والألمانية"
    ارجو من كل من يقراء هذا ان يزور ( مقالات النووى .. كمان وكمان !! - كارت أحمر - كارت أخضر ) فى هذا الرابط:

    http://www.ouregypt.us/culture/main.html

    ردحذف

ليصلك جديد المدونة

ادخل بريدك الالكتروني