دعوة اننا نتمسك بحلمنا !!!!!!

لازم نلاقى نفسنا !!!!

قبل ما تجيلى الدعوه انى اشترك فى مدونة كل العرب كنت فعلا لاقيتها وسط المدونات وقررت انى اشترك فيها ويكون لى الشرف انى اشارك مع آلاف المدونين العرب صحيح انا لا أرتقى لمستواهم ولكن انا هحاول لانى جوايا هدف وهحاول أحققه بينكم هنا ان شاء الله

قمت بعمل مدونة (( سيبنى أحلم !!!)) وكان جوايا أمل كبير ان حد يفهم فكرتى فيها وهيا انى أساعد كل حد لاقى فى نفسه أزمه نفسيه أو مشكله عرضت فيها بعض المشاكل النفسيه البسيطه واللى بتتزرع فينا واحنا صغيرين و بتسبب لينا مشاكل مدمره لأعصابنا ولمجتعمنا بعد ما بنكبر!!

مين من الشباب مش اتعرض للضرب فى البيت وهوا صغير ومين مش اتعرض للحرمان من الخروج ومين مش افتقد حنية أهله ومين اللى مش لقى حد يتكلم معاه ومين كمان اللى دايما كان حاسس انه متراقب ومتحاصر فى كل حركاته؟؟؟!!!!

ومشاكل كتير بتسبب عدم الثقه فى النفس وفى الناس اللى حوالينا والتمرد على المجتمع وظهور الارهاب والتدمير دول شباب افتقدوا التربيه الصح علشان كده انا دعوتى اننا نساعد بعض هدفها اننا نعالج المشكله من بدايتها علشان نقضى عليها وننهيها ويطلع لينا شباب جديد مترتب من جواه لا حزين ولا مكتئب ولا محبط ولا فاقد الثقه بنفسه يسعدنى انى بشارك برأى فى شبابنا هنا واتمنى منكم انكم تشجعونى انى اكمل مشوارى فى المدونه اللى هدفها اننا نحب بعض :،)

(( وايدى فى أيدك نساعد بعض تفضل قلوبنا دايما على بعض ))

مواضيع من نفس التصنيف