الثلاثاء، 5 فبراير 2008

دليل الالتحاق بالسلك الدبلوماسي المصري Guide To Join Egyptian Diplomatic Corps

من المعرف للمصريين انه يتم سنويا وبشكل منتظم مسابقة للالتحاق بالسلك الدبلوماسي المصري
اليك الدليل والشروط والوسائل التي تساعدك على النجاح


ولا تنسونا من صالح دعائكم

كلام وزارة الخارجية

الإعلان عن مسابقة التعيين فى وظائف ملحقين بالسلك الدبلوماسى و القنصلى لعام 2007

عند وجود وظائف شاغرة للتعيين فى وظائف ملحقين بالسلك الدبلوماسي والقنصلي ، يجرى امتحان مسابقة لاختيار أفضل المرشحين الذين تتوافر فيهم الصفات والعناصر اللازمة للتعيين فى هذه الوظائف حسب الأسبقية الواردة فى الترتيب النهائي لنتائج الامتحانات التحريرية والشفهية والحاسب الآلي والقدرات التي تعقد لهذا الغرض



شروط و إجراءات المسابقة

أولا شروط التقدم لامتحــان المسابقة للتعيين في وظيفة ملحق بالسلك الدبلوماسي والقنصلي بوزارة الخارجية طبقا للقانون رقم 45 لسـنة 1982
ثانيا تقديم الطلبات وجهـة تقديمها
ثالثا المستندات المطلوبة
رابعا كتب ومراجع استرشادية للإعداد لاجتياز اختبارات القبول في وظائف السلك الدبلوماسي والقنصلي



أولا شروط التقدم لامتحــان المسابقة للتعيين في وظيفة ملحق بالسلك الدبلوماسي والقنصلي بوزارة الخارجية طبقا للقانون رقم 45 لسـنة 1982


أن يكون مصري الجنسـية

أن يكون من أبوين مصريين

أن يكون متمتعا بالأهلية المدنية الكاملة

ألا يكون متزوجا من غير مصري الجنسية أو ممن هم من أبوين أحدهما أو كلاهما غير مصرى ومع ذلك يجــوز لوزير الخارجية بــأذن من رئيس الجمهورية الإعفاء من هذا الشرط إذا كان متزوجا ممــن تنتمي بجنسيتها إلى إحدى البـلاد العربيـــــة أو ممــن اكتسبت الجنسيــــــة المصرية

أن يكون محمــود السـيرة حسـن السمعة

ألا يكون قد حكم عليه بعقوبة جنائية ولو كان قــد رد إليه اعتباره ، وآلا يكون قد سبق فصله بحكم أو قرار تأديبي

ألا يكون قــد حكم عليه من المحاكم أو من المجالس التأديبية في جريمة مخلة بالشرف والأمانة ولو كان قــد رد إليه اعتباره ، وآلا يكون قد سبق فصله بحكـم أو قـرار تأديبي

أن يكون حاصلا على مؤهل عـال من إحدى الجامعات المصرية أو ما يعادله أو على شــهادة أجنبية معادلــــة، أو على مؤهــــــل عـال من إحدى الكليات العسـكرية

لا يقل سنه عن 21 سـنـة ميلادية وآلا يزيـد عــن 27 ســنة ميلادية في التاريخ المعلن عن بـدء امتحـــــان المسابقة




ثانيا تقديم الطلبات وجهـة تقديمها

تم تحديد موعد تقديم الطلبـات فور الإعلان عن إجراء امتحان المسابقة
تقدم الطلبـــات شخصيا إلى إدارة السلك الدبلوماسي والقنصلي والتفتيش قسم أ بوزارة الخارجية كورنيش النيل ماســبيرو القاهرة، ولا يلتفت إلى الطلبات التي تــرسل بالبريــــــد


ثالثا المستندات المطلوبة

على كل من يرغب في الاشتراك في المسابقة أن يتقدم بالمستندات الآتية



شهادة الميلاد أو مستخرج رسمي منها و صورة ضوئية منها يتم الاطلاع على الأصل وأعادته للمتقدم

شهادة المؤهل الدراسي العالي الحاصل عليه وصورة ضوئية منه يتم الاطلاع على الأصل وأعادته للمتقدم

صحيفة الحالة الجـنــائية

عدد 8 صور مقاس 4× 6 موقع عليها من الخلف باسم صاحبها ومعتمدة مــن جهة رسمية

البطاقة الشخصية أو العائلية أو بطاقة الرقم القومي وصورة ضوئية منها يتم الاطلاع على الأصل وأعادته للمتقدم

إقرارات كتابية يوقعها الطالب ومعتمدة من جهة رسمية ومستوفاة رسم الدمغة وهى على الوجه التالى

إقرار بأن المتقدم مصري الجنسية ومن أبوين مصريين وبأنه متمتع بالأهلية المدنية الكاملة

إقرار بأنه غير متزوج من أجنبية

إقرار بأن والدي الزوجة مصريين في حالة الزواج

إقرار بأنه محمود السيرة وحسن السمعة وبأنه لم يصدر ضده حكم من المحاكم أو من المجالس التأديبية في جريمة مخلة بالشرف والأمانة ، ولم يسبق فصله بقرار أو بحكم تأديبى

شهادة من وزارة التعليم العالي بالنسبة للحاصلين على مؤهلات عليا من الخارج أو من الجامعات الخاصة في مصر بــأن المؤهل الحاصل المتقدم عليه معادل قانونا للدرجات العلمـــية التي تمنحها الكليات التابـعة للجامعات الحكومية المصرية




ملحوظة

بالنسبة لموظفي الحكومة أو القطاع العام يمكن التقديم ببيانات معتمدة من جهة العمل بتوافر أي من هذه المستندات بملف خدمة المتقدم ، مع استيفاء باقي المستندات المطلوبة إذا كانت غير موجودة بملفه ، كمــا تستبدل الاستمارة 167ع ح بطلب كتابي من المتقدم مشفوعا بموافقة جهة العمل

وبالنسبة لضباط القوات المسلحة أو الشرطة يشترط موافقة الإدارة العامة لشئون الضباط بالجهات التابعين لها قبل التقدم بطلباتهم للوزارة


قبول المستندات

يتسلم الطالب الذي يقبل طلبه بطاقة الدخول للامتحـــــان

على الطالب أداء رسم دخول الامتحان يعلن عن قيمته في حينه الذي يتراوح بين مائة ومائة خمسون جنيه مصري لخزينة الوزارة ويعتبر الرسم حقا للوزارة حتى ولو عدل عن دخول المسابقة وأيا كان قرار الوزارة بشأن الطالب

يكون حضور الطالب لتأديــــة الامتحــــان أو لتقديم طلبه على نفقتــه الخاصة

لن يلتفت إلى الطلبات التي تقدم بعد انتهاء الموعد المحدد أو إذا لم تستوف الشروط المنصوص عليها

يوقع كشف لياقة طبية خاص على الناجحين قبل التعيين بواسطة اللجنة الطبية العامـــة



نسبة المطلوبة للنجاح لاجتياز الاختبار التحريري

يسمح لمن يحصل علي نسبة النجاح المقررة في الامتحان التحريري بالتقدم لاختبارات القدرات والحاسب الآلي والشفوي

المرحلة الثانية امتحان القــدرات والحاسب الآلي والشفوي

يحــدد موعدها ومكـان عقدهـا فيما بعد حيث يخطر الناجحون في الامتحان التحريري بذلك


رابعا كتب ومراجع استرشادية للإعداد لاجتياز اختبارات القبول في وظائف السلك الدبلوماسي والقنصلي

مجلة السياسة الدولية وخاصة الأعداد الحديثة منها

أحد المراجع التي تستخدم في التدريس بالجامعات المصرية بالنسبة للقانون الدولي العام والمنظمات الدولية

أحد المراجع التي تستخدم في تدريس العلاقات الاقتصادية الدولية في الجامعات المصرية

مرجع في تاريخ مصر الحديث

ويفضل الاستعانة بالطبعات الحديثة كلما أمكن ذلك ، بالإضافة إلى المقالات في المجلات الدولية المتخصصة في مجال السياسة الدولية بمختلف اللغات الحية

***********
كلام مقتبس من مقالات متعددة

الامتحانات

الإمتحان التحريري بيعقد في كذا مرحلة فيما يلي:

1- لغة أولى: إنجليزية أو فرنسية
2- لغة تانية: إنجليزية, فرنسية، إيطالية، أسبانية، روسية، يابانية، ألمانية أو عبرية بشرط عدم تكرار مادة اللغة الأولى
3- إمتحان في اللغة العربية عن كتاب يعلن عنه قبل الإمتحان
4- إمتحان في العلاقات الدولية و القانون الدولي العام و المنظمات الدولية
5- إمتحان في العلاقات الإقتصادية الدولية
6- إمتحان في تاريخ مصر المعاصر و العلاقات المصرية العربية و الإفريقية


*********

مراكز التدريب على الامتحان
غير ضرورية على الاطلاق مع العلم ان نسبة النجاح قليلة جدا تحت اي ظرف لا تتعدى ال 5 %
فايدة المراكز إنها عارفة نظام الإمتحانات ايه, لو على المراجع سهلة بس أنا بصيت عليها لقيتها هم ما يتلم و دي و ظيفة المراكز أنها بتنظملك الدراسة و تعرضلك نظام الإمتحان

أنا هنا جايب عنوان إلكتروني لمركزين لو حد عرف يوصلهم يقولنا النظام ايه

- مركز العالم العربي للبحوث و التدريبhttp://artceg.com/index.php

- مركز القرار للإستشاراتhttp://www.qarar.org

- و أكيد كمان مراكز جامعة عين شمس و القاهرة

- مركز في اركديا مول ب 400 تقربيا اسبوعين
- بالنسبه لجامعه عين شمس ده 600 جنيه مدته شهرين
- في مراكز تاني بس من عنوانها مش بهتم بيها علشان بيكون شكلها تعبان


*******

اهم حاجة تكون عارف هتجيب ايه تذاكر منه وفى نفس الوقت ماتكلفش نفسك اى عناء
1- مجلة السياسة الدولية ودى ممكن تدخل على موقع الاهرام وهتلاقى كل الاعداد اللى انت عايزها
2- رواية الايام لطه حسين وبين القصرين نجيب محفوظ
3- كتاب القانون الدولى من كلية الحقوق اى حد فى سنه تانية تقريبا
4- كتاب المنظمات الدولية بردة من كلية الحقوق
5- كتاب فى تاريخ مصر الحديث ودة موجود فى اى كلية قسم تاريخ زى اداب او تربية او دراسات
6- كتاب فى الاقتصاد السياسى من كلية سياسة واقتصاد
7 - كتاب فى العلاقات الاقتصادية الدولية
8- تكون مذاكر انجليزى كويس جدا لان معظم الامتحانات انجليزى والمقابلة كمان
9- يكون معاك لغة تانية اكيد الكل هيقول فرنساى
10 - تذاكر كمبيوتر بالانجليزى فى المواضيع اللى هقولها دى
1- Essential computing concepts
2- Microsoft windows
3- Microsoft word
4- Internet basic concepts



*********

ملحوظة مهمة : انا اعرف قصة مهمة وهي لسفير مصر في احد الدول الاوروبية حاليا وهذه القصة لنفي حكاية الواسطة تماما

السفير دا تقدم للامتحان ونجح وسالوه اسئلة عجيبة فالاخر وصعبة جدا تحتاج لملكات خاصة بس نجح من غير اي واسطة
وبعدين بنته دلوقت قدمت واترفضت وهي بنت سفير وهو موصي عليها
دا لانهم بيختارو ناس بدقة عالية ومواصفات خاصة
قد تكون تلك المواصفات فيك ولا تعلم او غالبا ليست فيك

الحكاية مش بواسطة ابدا دي مخابارات يعني لو مكنش اللي فيها متنقيين ع الفرازة يبقى مين اللي يبقو؟

الواسطة دي حجة فارغة
وحكاية الولد اللي انتحر دي قصة فاشلة جدا :
1- اكيد عمره ما هينتحر بس عشان اترفض اكيد كانت حالته النفسية صعبة
2- ازاي يكتئب كدا وهو معروف مسبقا ان نسبة النجاح لا تتعدى باحسن الظروف 1%
3- الصراحة حكاية الطبقة الاجتماعية انا معاهم فيها مع اني من الطبقة الوسطى ... بس فكرو زيهم دول بيختارو وجوه مصر وممثليها فليس غريب ان يختارو من هم من طبقة اجتماعية محترمة بل ومحتلرمة جدا

يعني من الاخر اي شخص شايف نفسه فيه ملكات ومميز ذهنيا واجتماعيا وفكريا ومتفائل كمان يتقدم ويتوكل على الله لان برضو الحكاية فيها خبرة وهيكتسب مهارات وثقافات حتى ولو لم ينجح وتذكر ان نسبة النجاح لا تتعدى ال 5 % عند اكبر المتفائلين


والله ولي التوفيق





مواضيع من نفس التصنيف



هناك 11 تعليقًا:

  1. دى مفيهاش واسطة
    والحربية مفيهاش واسطة
    والشرطة مفيهاش واسطة

    تصدق فكرتك هاتطلع غلطان فى الاخر وبتتكلم عن بلد تانية غير الاولانية

    والله لو ميين قعد يقنعنى باللى بتقولة عمرى ماصدق

    بص للبنود اللى حضرتك قولتها كدة

    شوف فيها كام بند مش واضح

    معلش انا يمكن كلامى خشن شوية

    بس اصل موضوعك
    فكرنى بكتيب كدة كنت اخدتة وانا بقدم
    ورقى فى الكلية الحربية

    ومحتفظ بية

    كل لما اقراة بضحك ضحك ماللى بيوجع

    ردحذف
  2. بص اكيد الواسطة موجودة فكل حتة بس دا ميمنعش ان نسبة كبيرة من اللي دخلو الحربية والشرطة والسلك الدبلوماسي مكنش ليهم واسطة غير ربنا

    وانا في موضوع السلك الدبلوماسي سمعت كتير من ناس تعرف فعلا وناس بتفتي ناس تقول الواسطة اساسية وناس تقول دي بتضعف فرصك الا اذا كانت واسطة كبيرة قوي

    اذا فضلنا نقول واسطة
    قللي مين كان واسطة عمرو موسى
    مين واسطة احمد ابو الغيط
    مين واسطة احمد زويل
    مين واسطة اغلب الوزراء غير مجهودهم ومهاراتهم وملكاتهم

    وتقبل فائق احترامي

    ردحذف
  3. معلش بقى مع احترامي

    بداية شكرا على المجهود الكبير في تجميع المعلومات المفيدة دي

    وبالنسبة للسلك الدبلوماسي والالتحاق به فهو كله واسطة وكوسة وكوسة بالبشاميل كمان
    ومش بس كده
    ده اغلب ابناء العاملين بالسلك الدبلوماسي بيتعينوا فيه وفيه كتير منهم لايستحقون الكراسي الجالسين عليها ولاتخرج معلوماتهم عن فتحهم لصفحة الرياضة في اي جريدة هابطة

    وهذا الكلام اقوله عن معرفة مباشرة وشخصية بعدد من هؤلاء

    السلك الدبلوماسي فيه توريث اكثر من اي مهنة اخرى في مصر واعتقد انهم من بدأ التوريث وتلاهم القضاة

    ولاتصدق من يقول انه لاواسطة فيه خصوصا لو كان من العاملين في السلك نفسه

    تحياتي

    ردحذف
  4. السلام عليكم ورحمة الله وبركاته:
    يا ساده أنا في رأيي إن الموضوع فعلا مش محتاج واسطه فلا يوجد شخص على وجه الكره الارضية يمكن أن يتسبب في الخير أو الشر لأحد من البشر دون ان يكون ذلك بإرادة من الله سبحانه وتعالى وسأذكر لكم عدة أمثلة وهي ليست لسفراء ولا لناس من دول وإنما هي أمثله ذكرها الله سبحانه وتعالى في القرآن وهي ببساطة سورة الكهف وخاصة قصة سيدنا موسى مع الخضر عليهما السلام فالمتأمل للقصة سوف يرى أنها ببساطة إجابة على كل كلامكم فالسفينة التى ثقبت والطفل اللذى قتل وحتى السور الذي بني كلها امثلة على ان إرادة الله فوق إرادة البشر فثقب السفينة كان الشيئ الظاهر فيه هو الشر على الرغم من ان باطن هذا الشر كان خير إلا أن الله سبحانه وتعالى جعل سيدنا الخضر سببا لهذا الخير والظاهر من قتل الولد هو الشر على اللاغم من ان باطن الفعل كان الرحمة بهذان الأبوين , إذا فالكلام هنا عن وجود الوسطة من عدمه هو من سبيل العبث وعليكم تذكر مقولة الإمام على كرم الله وجهه "احتج لمن شئت تكن له عبدا"
    هذا وبالله التوفيق والسلام عليكم ورحمة الله وبركاته

    ردحذف
  5. الكلام مقنع جدن جدن انتى عندك اسلوب فى الاقناع وانا احيكى على هذة بس انا لازم اكلمك انا بدور على حد فاهم فى حوار الخارجية مش لاقى اما سدقت ممكن تكلمينى من على الايميل دة بعد ازنك اكون مشكورليك memo_kliver@yahoo.com memo_33o@hotmail.com ياريت بعتى رسالة انك ضفتينى علشان اعرف انا مستنيكى انا متجلك كتير كتير

    ردحذف
  6. الواسطة عملة رسمية لكل الدول النايمة
    ودة مش عيب ولا غلط على الاطلاق بل على العكس عدم وجود
    الواسطة يعنى فى حاجة غلط يمكن تكون الحجة اللى بيقولوا عليها ديمقراطية

    ردحذف
  7. ياجماعة احبطووووووووووووووووووووونى

    ردحذف
  8. اعتقد ان الخارجية الواسطة فيها تكاد تنعدم

    ردحذف
  9. انتو نايمين ولا اية ياجماعة انا قدمت حربية وبعدها نيابة وبعدها انا خايف ليقولو القبر بواسطة

    ردحذف
  10. طيب احنا لو مشينا بالاسلوب دا مش هنخلص

    انا كان فى مسابقة للفر الى الولابات المتحدة وكان فى كلام عن واسطة وخلافة
    ولكن الحمد لله ربنا وفقنى واخدت المنحة من غير واسطة ولا حاجة

    فا الى هيمشى مع الكام الفارغ والواسطة محدش هيتقدم خطوة
    اعمل الى عليك وخلاص

    ردحذف

ليصلك جديد المدونة

ادخل بريدك الالكتروني