فيها أيه

طبعا كلنا كمصريين متابعين الاسعار وعرفين أن أسعار الارز والاسمنت فى تراجع مستمر منذ أعلان السيد وزير التجارة والصناعة وقف تصدير السلعتين فيها أيه لو أن الكلام ده يطبق على جميع السلع الغذائية منها والغير غذائية ما يكشى فيه اى خاطر حد أو أى أعتبار لأى شخص أى كان ألا للشعب.
أيه الحصل لما القرار أتخذ بوقف تصدير الارز والاسمنت الدنيا أنهدت
لا طبعا
ما أباطرة الاسمنت والارز أخرجوا اللى فى المخازن لانهم عارفين أنه مفيش مفر ألا البيع فى السوق المصرية وكفيتها الاول وبعد كدة يجى دور التصدير والمنطق الطبيعى بيقول كدة نكفى الداخل الاول وبعدين نبقى نصدر وبعدين هم كسبوا كتير فى أخر سنتين مكاسب جامدة يسيبوا الشعب يشم نفسه شوية
الحاجة دى فى الاصل ملك للشعب والمفترض أنه بيتحكم فيها عن طريق نوابه عن طريق سن القوانين المنظمة بس للاسف النواب أصبحوا تجار
أنا لله وأنا أليه راجعوان ...
فيها أيه لو نكتفى ذاتيا وبعدين نصدر الفائض وده أ ب ... فى التجارة الدولية ولا الكل بيدور على المكسب السريع وبس مش مهم مين يعيش ومين يموت .
فيها أيه لو الكبير يحس بالصغير والغنى يحس بالفقير والمسئولين يحسوا بالمسئولين عنهم.

مواضيع من نفس التصنيف