الأربعاء، 16 أبريل 2008

حلم

حلم نفسى يتحقق بس مش عارف ليه حاسس أنه مستحيل فى العصر ده
بحلم أن الكل يكون زى بعضه فى المعاملة مع الجهاز الحكومى للدولة بواسطة أو بدون وسطة
عند التعين أو عند أنهاء أى معاملة فى أى مصلحة حكومية أيا كانت تلك المعاملة فيها أيه أن الموظف المصرى يعامل المواطنين كلهم زى بعض ومش يكون فيه أى فرق بين أى مواطن وأخر فى المعاملة أو مواطن يقدم على أخر لوجود معرفة أو محسوبية أو زى ما الكل عارف
مش عيب الواحد يحلم صح يا جماعة
فيه ناس بتقول عاوزين جهاز الرقابة الادارية ينشط تانى ويصحى من النوم بس الجهاز لوحده مش حيعمل حاجة لان الفساد عاد بطرقة مش معقولة وبصورة الشخص العادى صعب أن يتخيلها
لازم الاصلاح يكون نابع من داخلنا أحنا مش لازم نسكت على فساد أو محسوبية
بس برده أرجع وأقول أنه لازم يكون فيه أتجاه داخل الحكومة نفسها للاصلاح لان زى ما أحنا عارفين فيه ناس شغالة علنى وعلى رأسها أدارات المرور على مستوى الجمهورية والادارت الهندسية بالمحليات وكلنا يعرف ده
بس برده أرجع وأقول الحلم مش عيب ولازم يكون هناك تيار مضاد

مواضيع من نفس التصنيف



هناك تعليق واحد:

  1. عندك حق

    فى ناس مصالحها بتتعمل وهي قاعده حاطه رجل على رجل ويجيلها سخن وساقع وناس يتقالها عدي علينا بكره يا حضرة

    دا ملوش سبب غير انعدام الضمير

    ردحذف

ليصلك جديد المدونة

ادخل بريدك الالكتروني