الاثنين، 28 يناير، 2008

كتب ... الدولة والثورة - - - والتراث الماركسي الحقيقي


فلاديمير لينين 1870 - 1924
جون مولينو 1931 - لايزال على قيد الحياة

الزملاء الأعزاء ..... بدأنا مشروع المكتبة وأحتاج مساعدة من يستطيع منكم توفير نسخ اليكترونية من أدبيات اشتراكية

وقد قمت بالأمس بإضافة كتابين هما

و يعتبر من أهم كلاسيكيات الأدبيات الاشتراكية

وهو من الأدبيات المعاصرة حيث أن الكاتب يعد قيادياً في حزب العمال الاشتراكيين البريطاني وقد تحدث أكثر من مرة أثناء مؤتمر القاهرة2007

والآن يمكنكم التحميل بالضغط على اسم الكتاب في قائمة الكتب وهي أول قائمة تحت البانر الرئيسي في السايد بار

توضيح


ملحوظة : نجاح هذه الفكرة مرهون بمساعداتكم في جمع الكتب والنشرات والأوراق التثقيفية وغيرها من الأدبيات

من يود المساعدة برجاء مراسلتي على
osama.che@gmail.com

أرجو أن تكون المكتبة مفيدة لكم .... وتحياتي للجميع

مواضيع من نفس التصنيف



هناك 10 تعليقات:

  1. برجاء عدم السبام
    انا شايف ده سبام الصراحة
    الاعلان عن حركة في مقالين في اقل من يومين

    مش شرط ابدا كل مقال تكتبه في مدونتك تكتبه هنا ايضا ، فقط اظهر لنا المهم حتى نهتم بقراءته

    وتقبلوا منا فائق الاحترام



    جريدة العرب

    ردحذف
  2. العزيز كاتب هذا التعليق أعلاه

    أولاً أنا مش فاهم
    انتوا تقولوا مدونة كل المدونين العرب وبعدين تكتب التعليق البايخ ده

    أعتقد انك موديريتور هنا وبالتالي لديك ايميلي اللي أنا سجلت بيه هنا

    وأي رسائل لها علاقة بتنظيم النشر أو المقالات لو ماكانتش تهم كل الناس فلا مكان لها في التعليقات ... الأفضل أن يتم ارسالها على ايميلات الناس اللي ممكن تكون مهتمة أو الموضوع يخصها... ده ألف به موديريشن .... واللا ايه؟

    ثانياً هو ايه اللي سبام؟ هل تقصد الوسوم "اللابلز" ؟ أم البوستات نفسها؟

    1- لو مشكلتك مع الوسوم فدي كنت حاططها علشان مساعدة الناس انها تقدر تبحث من جوجل -أو أي محرك بحث آخر -وتيجي هنا علشان اللي بيكون بيدور على أي وسم فيهم تطلعله الصفحة دي في نتائج البحث .... عموماً لو دي اللي مضايقاك قوي بلاها وسوم ونبقى نكتب ونرمي من غير تصنيف ومانعرفش ندور على اللي اتكتب قبل كده .... الا لو عايز تكون انت المسئول عن وضع الوسوم على بوستات الناس كلها وتصنيفها "زي وورلد يونايتد بلوجرز" فلو سمحت وضح .

    2- أما لو مشكلتك مع البوستات فهنا بأه لينا وقفة ...... أنا مش شايف مشكلة في البوستات ... الأولاني كان اعلان عن قوافل مساعدات رايحة لأهالي غزة -مش عرب واللا آدميين دول واللا ايه؟- مع توضيح وسائل الاتصال بالناس اللي بتحضر تلك القوافل .... والثاني كان عبارة عن كتابين اليكترونيين رفعتهم علشان لو حد عايز يستفيد منهم.

    ولو مشكلتك مع اللينكات اللي في اخر البوستات .... فانت كنت محتاج توضح ده من غير سبام وماسبامشي .... تقدر تقول اللينكات اللي في اخر مقالاتك مسببة أزمة للناس اللي بتدير الليلة هنا ....وده يكون في رسالة من الموديريتور للسابسكرايبر ... مش في تعليقك على البوست نفسه

    عموماً شكراً على المعاملة الكريمة من جانب مدونتكم الغراء وأعدكم بعدم إزعاجكم "بوضع كل بوستاتي هنا" بل أعدكم بعدم الكتابة هنا من الأساس
    وابقى سلملي على حرية الرأي والتعبير ... اللي بتدافع عنها ....مش كده ؟؟؟؟؟!!!!!! وبرجاء اعتبار هذا التعليق انسحاباً من مدونتكم ... وانتا عامل ايه دلوقتي

    ردحذف
  3. سيدي العزيز
    اولا انت لك الحرية الكاملة في الانسحاب او نشر ما تريد لذلك لم امسح البوست او اغير فيه كما قلت

    ثانيا انا رديت عليك هنا عشان الناس كلها تعرف ان المطلوب هو نشر المقالات المهمة يعني مش نقل مدونتك هنا

    ثالثا ناسف على سوء التفاهم

    رابعا المقصود بالاسبام هو نشر دعايا لمدونتك او حركتك او موقع بطريقة زائدة يعني دعايا مش اي شئ من اللي انت قلته

    خامسا انا كويس الحمد لله

    ردحذف
  4. عزيزي :

    أولاً :انت كان ردك بالضبط ..............
    "برجاء عدم السبام
    انا شايف ده سبام الصراحة
    الاعلان عن حركة في مقالين في اقل من يومين"

    أنهي حركة دي؟ مركز الدراسات الاشتراكية؟.... مدونتي؟ .... اللجنة الشعبية؟

    *المواد التي نشرتها هنا كلها تتلخص في كونها اعلاناً عن عمل يجري التحضير له ويتضمن طلب للمساعدة ...... مع توفير أكبر عدد ممكن من وسائل الاتصال بمن يحتاج تلك المساعدة .... لو انت مش عايز تساعد يا عزيزي انت حر ... لكن ماتقولليش سبام واعلانات .... أنا مش باعمل اعلان لشركة واللا مؤسسة ربحية ..... وبعدين دول كانوا بوستين عُمي ...واحد فيهم حملة من أجل غزة والتاني كان فكرة لمكتبة اليكترونية باحاول أجمعها لكن مش كل الكتب عندي ....... وبعدين يعني لا ده ولا ده كسبان أنا حاجة شخصية من وراه ... فما هو السبام في ما قلت؟ وبعدين أنا مش شايف حد متضايق غيرك يعني !!! ده غريب صح؟

    * ماتقوله عن أنك كنت بتوضح الكلام للناس غير منطقي .... علشان كلامك ماكانش موجه للناس ياسيدي الفاضل ... وحتى ان صح ذلك فهو تصرف غاية في قلة الاحترام والتقدير لكتابك وقراءهم على حد السواء لأنك مش قيم عليهم علشان تكلمهم عن طريق ضرب مثل وعبرة بما قمت أنا بنشره هنا ... ده أسلوب متعالي جداً ...
    * وحتى لو كان عندك نقطة أو وجهة نظر فيما تقول فانت تضيعها في نقاش فردي عقيم ... وكان من الأفضل عدم طرحها في صورة تعليق فردي على بوست بعينه ... كنت تقدر تعمل بوست منفصل تتكلم فيه مع كل الناس عن وجهة نظرك من هذا الموضوع.

    * وعموماً لو كانت الحكاية دكاكين وكده يعني .. يبقى كل واحد يروح يقعد قدام الدكان بتاعه وبلاها شعارات ووجع قلب

    والحمد لله انك كويس ربنا يديلك كمان وكمان

    ردحذف
  5. انت خدت الحكاية بتعصب قوي مش عارف ليه
    انا لا قصدي قلة احترام ولا تعالي
    ومن اول بوست هنا متغيرتش كلمة فاي مقال

    وهنشوف الكومنتات الجاية رايها ايه
    وانا مش معترض ابدا على الاعلان عن حركات وتضامنات

    انا معترض انك ناقل مدونتك هنا يعني اللي بتكتبه في مدونتك بتنسخه على طول
    كما هو منشر منقبل مفيش مانع بس المرحب بيه اكتر هو المقالات غير المنسوخة
    ولو كل واحد مساهم نسخ مقالاته هنا محدش هيلحق يقرا وراه صح ولا لا؟؟

    ردحذف
  6. بص يا عمنا

    أنا معترف بأني أخدت الموضوع على قلبي حبتين ورديت عليك بعصبية امبارح .... أنا متأسف على ده بجد

    لكن برضه أنا ضايقني انهم كانوا بوستين عُمي ورحت انت مستعجل وقايل سبام ... هو ده اللي نرفزني الصراحة لأني ماكنتش ناوي أطلاقاً انقل مدونتي عندكم ومافتكرش ان أي حد عاقل هايكون ناوي يعمل ده لأنه مالوش معني

    الحاجة اللي خلتني أنشرهم الاتنين عندك هنا هو الحاجة لمساعدة افتكرت ان لما تنشر على أوسع نطاق ممكن هاتجيب نتيجة أكتر ... واعذرني على العصبية لأني دلوقتي عارف انها مش بسببك

    وعموماً سوء تفاهم مني ومنك ... لأني برضه مصر انك كنت تقدر تستنى أسبوع مثلاً وتشوف اذا كنت بانشر مدونتي عندكم فعلاً واللا لأ ... وبعد كده تقرر تاخد موقف أو خطوة .... لكن ماينفعش الاستعجال بالطريقة دي ... واللا انت ايه رأيك ؟

    رجاء تقبل اعتذاري ونقدي .. وحقك عليا لو اتنرفزت عليك شوية ... ماتزعلش مني

    وبالتوفيق
    تحياتي

    ردحذف
  7. ولا يهمك يا عهم ومتزعلش مني انا اتسرعت فعلا بس دا بسبب ان الموضوع لسه فبدايته وانا خايف على الفكره انها تفشل

    صافي يا لبن

    تحياتي

    ردحذف
  8. حليب يا قشطة ... ولا يهمك يا ريس
    :)

    تحياتي

    ردحذف
  9. الحمد لله هديت النفوس.. من أمس وأنا أتابع تعليقاتكم،، (ولا هيه تعليقاتكما) أيهما أصح.. ووجدت أن كل منكما تحامل على الآخر.. بس الحمد لله عدت على خير من غير ضرب نار ولا حصار ولا أي حاجة.. عموما الأخ صاحب المدونة(الليثي) كانت ردوده من المممكن أن تفهم بالفعل بشكل خاطئ.. والأخ التاني (مشاهد) كانت ردوده أيضا تحس فيها انه كان داخل شمال.. بأكد إنه كان داخل بس مادخلش، وأهوه وقف والحمد لله والموضوع قلب بينهم إنجوي، عموما المدونة فكرة مختلفة بحق، وفيها ديموقراطية في اختيار موضوعاتها، ومشاهد مختلفة لأنها تنقل فكر محدد بذاته.. وهي تعكس إيمان صاحبها بقضية الإشتراكية والديموقراطية.. وكلنا عموما تشغلنا الديموقراطية تلك التي نسمع عنها من الحزب الوطني الديموقراطي.. انا بحب أكتب الديموقراطية بالواو.. بس بتوع الحزب بيكتبوها الديمقراطية من غير واو،، عموما لتشغلنا قضية الديموقراطية التي نسعى إليها ونبحث عنها ونفتقدها، والتي نحاول أن نجدها في أروقة الوطن، بقي أن أقول إني لا أنا مدون ولا ليا دعوة بالحزب الوطني، ولا الأخوة الاشتراكيين، ولا الرفاق الأخوان، ولا الناصريين، أنا هاستنى لما يعملوا حزب ميريام فارس،، هادخله عضو مؤسس، وهقاتل عشان أكون من أحد الكوادر في هذا الحزب، وهاطلب منها تعيد تصوير أغنيتها الأخيرة عشان أقف وراها..

    ويالا شغبط شغابيط

    ردحذف
  10. مش أحسن كده برضه؟ :] عموماً ياباشا بتحصل مابين الاخوات وعادي جداً ومعلش لو وجعنا دماغك بالخناقة الهايفة دي

    وبالنسبة لحزب ميريام فارس ... افتكر اني هانضم للمعارضة الهيفاوية أو النانسوية أو الروبيية أو الكارولية ....مع اني مش متابع بس أهي أي غلاسة والسلام

    :]
    تحياتي وشكراً على رأيك في "مـَشـاهـد" فعلاً أسعدتني قراءته كثيراً ...

    عموماً أتمنى أن أكون عند حسن ظن الجميع وعندي أنا الشاي بتاع امبارح ده :]

    ردحذف

ليصلك جديد المدونة

ادخل بريدك الالكتروني