الأحد، 20 يوليو 2008

ليه الستات بقوا كده،،

لماذا اصبحت الشكوى اليومية من الرجال ان مراته زي غفر السواحل او عسكري الدرج ؟
لماذا يقف الرجل من دول أمام هيفا ونانسي كأنهم تمثال عرابي وهم أبو الهول وام الهول وخالته كمان؟
بالمناسبة حد شاف نانسي قبل العملية على قناة فن فظيعة موووووووووت شكلها غلط وشبه مرضعة وابور الظلط
يعني من الآخر ايه اللي في الستات دي ومش في نسوانكم - كلمة لغة عربية فصحى- جميع المعاجم العربية-
الشكل : الفرق ان هيفا ونانسي وخلفاءهم لا زم ينزلوا متظبطين كده .. عرفين اديش ينصرف على اهاليهن لحين ما بقيو هيك ؟
الست من دول شبه صفيحة الزبدة- السمن الحلوب سابقا - تشوفها بالليل كالبدر المنور في الصبح شمس هالة
تفتكر يا ابو شنابات ليه؟.فلوووووووس وواحد تيييييييييييييييت
فلوس بيدفعها المنتج للستوتة من دول تقوم تظبط نفسها والتمن معروف للجميع ...
يكفى انها حتقلع اكثر يعني رجالة حتتهطل اكتر يعني شباب حيخيب اكتر وريالة اكتر .. ريالة اه من رال .. سال رواله...
وادفع وظبط والفلوس حترجعلك بعد كام يوم من كام حفلة للست نانسي ولا هيفا ولا بلا ازرق من اللي طالعين جداد
الست المصرية : اللي مصريين بضم الميم يطلعوها رفيعة ..سمبتيك وشعرها اصفر سايح على ضهرها ... ولا شعرها احمر واخضر واصفر ...كيف اشارة المرور تماماً ...
ومصريين على كده بردك بضم الميم ...
لا هي كده ولا كده
الست المصرية دي أمي وأمك .. الست اللي ضاع عمرها كله فينا وبلا فخر علشان نطلعلها كده -اهبل خلق الله - لا ليها لا في التور ولا التورة -اخت التور-
ست قضت عمرها كله قدام الفرن وتقعد تغلي في كوافيلنا من أول يوم ما هو قبل ما يخترعوا البامبرز ...
وتأكل وتراعي ونسيت انها إمرأة+ أن حماتها اللي هيا مامي بتاعت انت في كتير من الأحيان بتلوم عليها من ورا حضرتك - إلا من رحم ربي- .. لو حاولت تتزوق على اساس انها ست قليلة الادب ...
مش اتجوزت وخلفت ايه قلة الادب دي ...
وامك وأمك كانوا عاجبين أبويا وأبوك والي خلفونا كمان ...
لكن دلوقتي الراجل من دول بيدور على مزة ..مزة يعني مش مطرمة ولا حاجة
المهم المزة دي كانت مزة واصبحت تروماي ليه؟
لأنها كانت ممزمزة بس عشان تظبط واحد من جنس ابو شنبات
قوم ايه أول ما تم المراد .. بقت مراد
والست شايفة أن جوزها مهما عملت مش شايفها هو شايف المزز الطحن اللي عمليين يتلووا كيف الحنكليس ولاٌ أناكوندا
لسة شباب تعملة شعرها اصفر .. يقولها شايف الستات .....
تعمله احمر يقولها .. يا سلام على شعر نانسي الاخضر ..شوفي جمالها ...شوفي حلاوتها شوفي شوفي ...
الولية الغلبانة جالها اكتئاب ....يبقى بقى مش مهم عندها زيد زي عبيد زي الجلابية ام زيت
عموما أنا مش بعمم انا بتكلم على اغلبية الحالات التي صادفناها في الحياة ... والسبب الاعلام ...قولوا معايا يا ستات ... تسقط نانسي (تصوروا انا بكتب وهي بتغني في كاسيت الحيران يا اطبطب يا ادلع )تسقط هيفا وهبي ...
يسقط الرجل الأحمق اللي بيدفع لكل دول...
يسقط الرجل الرقيع اللي عاوز مرته تبقى كيف دوووول
وتسقط بالمرة دوللي شاهين ...

مواضيع من نفس التصنيف



هناك 3 تعليقات:

  1. لي بهذا الموضوع رأي مباشر أتمنى لو أتيحت لي الفرصة في عرضه ........جميل أن نتبادل الرأي إتفقنا أو اختلفنا فسنثري الوجود حتماً

    ردحذف
  2. الناس أصبحت تبحث عن المظاهر الخارجية

    ونسوا ان هؤلاء الستات كما قلت ،، جمال مصطنع لا غير

    يبدو أن الواقع الاعلامي أصبح أكثر تاثيرا على الاشخاص الذي يأخذون كل ما هب ودب من الاعلام الكاذب

    تقبل احترامي

    ردحذف

ليصلك جديد المدونة

ادخل بريدك الالكتروني