الثلاثاء، 19 أغسطس 2008

ياناس مفيش أحلى من العفة


كنت ماشي يوم ومروح

سمعت صوت بيقول لو تسمح؟

قلت ازاي ما اسمحش دا صوتها

زي اللحن يخليك تسرح

عقلي تاه من رقة صوتها

وفجأة لقيت قلبي بيتمرجح

.............

قلت أبص وارد عليها

اتكلبشت ف سحر عنيها

سألِت عن عنوان ف أديها

قلت أبيع عمري واوديها

يا ناس حرام اسيبها لوحديها

.............

أصل جمالها كان فتان

وجسمها باين م الفستان

زي الميه وانا العطشان

عطشان إيه دا احنا ف رمضان

يارب احفظني من الشيطان

...........


هي دقيقة كمان مش أكتر

سمعت صوت بيقول ويذكّر

إنا أعطيناك الكوثر

وقلبي لقيته ارتاح واتعطر

والشيطان بيفر ويصغر

بكيت وتبت ورحت استغفر

...........


غضيت بصري ودقت العفه

ولقيت حياتي أحلى وأصفى

ياللي بلوزتك واصفه وكاشفه

وكل الناس بتبص وشايفه

ذنب الناس عندك في الكفه

يوم القيامه ليه مش خايفه؟

ياناس مفيش أحلى من العفة

ياناس مفيش أحلى من العفة

ياناس مفيش أحلى من العفة

شعر "حسام خليل"

مواضيع من نفس التصنيف



هناك 12 تعليقًا:

  1. بجد حلو قوي..عجبني وفعلا مفيش أحلى من العفة..
    ممكن أكون عضو معاكو في المدونة دي ولا ايه..
    كل ودي

    ردحذف
  2. يسلم فمك ياض يا حسام

    أيوه كدة أهو دا الإسلام

    هو يادوبك تمسك عينك

    لحظة منع ....تعيش ف سلام

    تقبل مروري

    وحفظك الله بطاعته ورمضان كريم

    ردحذف
  3. فعلا مفيش أحلا من العفة

    ربنا يثبتنا ويجزيك الجنة عالكلمات الصادقة

    ردحذف
  4. السلام عليكم اولا جزاك الله خيرا عن هذا وكلماتك معبرة بس فى ابيات انت زودت الوصف شوية ودة مش مطلوب وتحس ان القصيدة بتتموج منك من غير زعل

    احمد الشاعر

    ردحذف
  5. أخى كاتب مصرى

    تحياتي لك

    ممكن تكلم الإدارة وهما يدخلوك معانا فى المدونة

    ردحذف
  6. حبارير - السعادة - انطلاقة

    بارك الله فيك اخى ووفقكم الله إلى ما يحبه ويرضى

    ردحذف
  7. Taweel ashawq

    جزاكم الله خيرا

    ردحذف
  8. elsha3er

    سعدت بتعليقك وسوف يصل التعليق إلى صاحب القصيدة

    بورك فيك

    ردحذف
  9. ياناس مفيش احلى من العفة

    ياناس مفيش احلى من العفة
    فعلا والله مفيش احسن من الستر والعفة والحياء

    كلمات رائعة بل افضل من رائعة

    جزاك الله خيرا

    وتحياتى اليك
    وتسلم

    ردحذف
  10. وجزاكم الله خيرا "ريحانة الإسلام"

    على تعلقيكم الرائع

    بورك فيكى

    ردحذف

ليصلك جديد المدونة

ادخل بريدك الالكتروني