(( أحداث القصة دى كلها خيالية ... و أى تشابه بينها و بين الواقع ... يبقى انت اللى نيتك وحشة .. و عاوز تودينى فى داهية ))
القصة حصلت زمان ... أيام الفراعنة ... و بالتحديد فى عهد الملك (( نحسوس )) ...
كانت مصر فى عهد الملك (( نحسوس )) بتعيش أيام ما يعلم بيها الا ربنا ...
الحفريات بتقول ان كان عندهم نظام اسمه : (( طوابير العيش )) ... و النظام ده اتلغى بعد ما لغوا الطرابيش علطول ...
و نظام (( طوابير العيش )) ده اللى فرضه هم وزراء الملك (( نحسوس )) اللى كانوا مطلعين ( تييييت ) ام الشعب ...
لكن الحفريات برضه بتقول ان الوزراء كانوا مطلعين ( تييييت ) ام الشعب ... من ورا الملك (( نحسوس )) ...
و قال ايه ... الملك كان مفكر ان محدودى الدخل فى مملكته بيفطروا (( باتون ساليه )) و بيتغدوا (( جمبرى و كابوريا )) و بيتعشوا عند (( كنتاكو )) ... اللى هو (( كنتاكى )) دلوقت ...
و كانوا مفهمينه ان محدودى الدخل دول هم أحسن ناس فى البلد ...
لكن الملك تقريباً كان ساكن برة مصر (( أصل الشقق كانت غالية قوى ... غير دلوقت )) ... و علشان كدة مكانش يعرف ان الوزراء كانوا بيكدبوا عليه ...
و كان (( الكتكوت المصرى )) هو العملة المتداولة فى مصر ... و كان بيستخدم فى الحمام بدل ورق التواليت ... أو لما المية تقطع ......
نهــــــــــــــــــــــايته .....................
________________________________
القصة بقى ... ان بعض الدول فى قارة تانية عملوا عصابة ... و سموا نفسهم (( الاتحاد الزوروبى )) ... و وحدوا العمله بتاعتهم ...
و سموها (( التوتو )) ...
و ضرب (( التوتو )) جميع العملات ... حتى (( السولار الأمريكى )) ...
و طبعاً الملك (( نحسوس )) مسكتش ... راح عامل اجتماع للدول الصديقة ... و كان الاجتماع فى الصالة المغطاه اللى فى استاد طيبة ... و حضر الاجتماع بعض ملوك الدول الصديقة لمصر ... و الباقى مكانش فاضى ..... و هم :
الملك (( مقمر القزاقى )) ملك (( لوبيا ))
الملك (( ليهود اورملت )) ملك (( فلسطيز ))
الملك (( بوش الجد )) ملك (( امريكا ))
الملك (( عوكل )) ملك الاستهبال
الملك (( شعبولا )) ملك الأغنية الشعبية ....
و طلعت المذيعة فى القناه المحليه المليون تذيع الخبر و تقول :
(( يجتمع اليوم فى استاد طيبة الدولى ملوك الدول الصديقة لمصر ... طبعاً احنا مالناش دعوة ... عشان كدة ننتقل للنشرة الجوية ............. ))
________________________________
و فى الاجتماع ....
نحسوس : بصوا بقى ... من الأول كدة الاجتماع ده لازم يخلص فى نص ساعة بالظبط ... عشان النهاردة النهائى بين الأهلى و الزمالك فى الدورى ... و لازم اروح أتفرج عليه عالقهوة ...
عصابة (( الاتحاد الزوروبى )) خلاص ... مش لاقية اللى يلمها ... و لو محدش بقى فى قوتها دلوقت ... هتحكم العالم ... و بصراحة انا شعبى شعب حر ... مش هيقبل ان حد غريب يحكمه ...
ليهود : عيب عليك يا عم نحسوس انت شايفنا هنود ؟؟ ... دا انت شعبك ده المفروض ياخد جايزة (( نوفل )) فى الاستحمال ... هو فى شعب فى الدنيا بيستحمل كدة ؟
بوش : و عليا الطلاق الاجتماع ده شكله فاشل ... و شكلى هقطع عنكم المعونة يا كلاب
مقمر : أبوس ايدك بلاش يا باشا ... شوف ايه اللى يريحك و انا اعملهولك ... شيشة يابنى بسرعة للمعلم ...
شعبولا : انا بكره اسرائيل ... اييييييييييييييييييييييييييه ... انجزوا عشان رايح أجيب قميص من الوكالة ... و ايييييييييييييييييييييييييه ...
عوكل : سلامو عليكوووو ... مجدى هنا ؟؟؟ ... هو احنا مجتمعين ليه بقى ؟
نحسوس : بلاش غباء و اقترحوا حلول للمشكلة دى ... كل واحد يقول هنعمل ايه ؟؟؟؟
ليهود : نعمل جمعية ... و انا اقبضها الأول
مقمر : جمعية ؟؟؟ ... قشطة و انا معاكم
بوش : اسكت يا غبى انت و هو ... انا بطلب الاستعانة بصديق
شعبولا : مشكلة ايه ؟؟؟
عوكل : نأخذ من كل رجل قبيلة
نحسوس : عوكل بيتكلم صح ... كل واحد فينا يتبرع بمواطن من عنده ... و انا عن نفسى هتبرع بنص الشعب ... خمسين مليون مواطن ... و يروحوا يحاربوا (( الاتحاد الزوروبى )) ... الموافق على هذا القرار فليتفضل برفع يده ... موافقة
بوش : محدش رفع ايده أصلاً ... و بعدين حرب ايه اللى انت بتتكلم عليها ؟؟ ... انا مش موافق
مقمر : يبقى انا مش موافق
ليهود : احنا نعمل زيهم و نوحد عملتنا ... و لأن عددنا أكبر منهم يبقى اتحادنا هيبقى أقوى منهم ... دا احنا امة المليار يعنى يا جدعان
بوش : موافق
مقمر : يبقى انا موافق
عوكل : موافق
شعبولا : ايييييييييييييييييييييييييييه ... موافق
نحسوس : اخيراً اتفقتوا على حاجة ؟؟ ... و طبعاً هيكون اسم الاتحاد ... (( الاتحاد النحسوسى ))
ليهود : و ليه ميكونش اسمه (( الاتحاد الليهودى )) ؟؟
مقمر : لو مكانش اسمه (( الاتحاد المقمرى )) انا مش لاعب
عوكل : لأ هيكون اسمه (( عوكل برو عبد التواب الجن ))
شعبولا : ايييييييييييييييييييييييييييييييييييييييييييه
بوش : لأ بقى ... لأ بقى ... احنا كدة شكلنا مش هنتفق ... انا راجع بلدنا
مقمر : خدنى معاك يا معلم
ليهود : فركش يا جماعة
نحسوس : انا رايح اتفرج على الماتش احسن
عوكل : و انا عايز انام ... يعنى كل واحد يخلى باله من سريره
شعبولا : هشترى القميص ... هشترى القميص .... ايييييييييييييييييييييييييييييييه
________________________________
و بكدة انتهى الاجتماع ... و طلعت نفس المذيعة بتاعت القناة المحلية المليون تقول :
(( انتهى اجتماع ملوك الدول الصديقة لمصر بالنجاح الساحق ... و بم اننا برضه مالناش دعوة ... فننتقل الان لبث مباشر من استاد القاهرة الرياضى الدولى لبث مباراة الاهلى و الزمالك ... و نتمنى لكم سهرة سعيدة .... ))
________________________________
القصة حصلت زمان ... أيام الفراعنة ... و بالتحديد فى عهد الملك (( نحسوس )) ...
كانت مصر فى عهد الملك (( نحسوس )) بتعيش أيام ما يعلم بيها الا ربنا ...
الحفريات بتقول ان كان عندهم نظام اسمه : (( طوابير العيش )) ... و النظام ده اتلغى بعد ما لغوا الطرابيش علطول ...
و نظام (( طوابير العيش )) ده اللى فرضه هم وزراء الملك (( نحسوس )) اللى كانوا مطلعين ( تييييت ) ام الشعب ...
لكن الحفريات برضه بتقول ان الوزراء كانوا مطلعين ( تييييت ) ام الشعب ... من ورا الملك (( نحسوس )) ...
و قال ايه ... الملك كان مفكر ان محدودى الدخل فى مملكته بيفطروا (( باتون ساليه )) و بيتغدوا (( جمبرى و كابوريا )) و بيتعشوا عند (( كنتاكو )) ... اللى هو (( كنتاكى )) دلوقت ...
و كانوا مفهمينه ان محدودى الدخل دول هم أحسن ناس فى البلد ...
لكن الملك تقريباً كان ساكن برة مصر (( أصل الشقق كانت غالية قوى ... غير دلوقت )) ... و علشان كدة مكانش يعرف ان الوزراء كانوا بيكدبوا عليه ...
و كان (( الكتكوت المصرى )) هو العملة المتداولة فى مصر ... و كان بيستخدم فى الحمام بدل ورق التواليت ... أو لما المية تقطع ......
نهــــــــــــــــــــــايته .....................
________________________________
القصة بقى ... ان بعض الدول فى قارة تانية عملوا عصابة ... و سموا نفسهم (( الاتحاد الزوروبى )) ... و وحدوا العمله بتاعتهم ...
و سموها (( التوتو )) ...
و ضرب (( التوتو )) جميع العملات ... حتى (( السولار الأمريكى )) ...
و طبعاً الملك (( نحسوس )) مسكتش ... راح عامل اجتماع للدول الصديقة ... و كان الاجتماع فى الصالة المغطاه اللى فى استاد طيبة ... و حضر الاجتماع بعض ملوك الدول الصديقة لمصر ... و الباقى مكانش فاضى ..... و هم :
الملك (( مقمر القزاقى )) ملك (( لوبيا ))
الملك (( ليهود اورملت )) ملك (( فلسطيز ))
الملك (( بوش الجد )) ملك (( امريكا ))
الملك (( عوكل )) ملك الاستهبال
الملك (( شعبولا )) ملك الأغنية الشعبية ....
و طلعت المذيعة فى القناه المحليه المليون تذيع الخبر و تقول :
(( يجتمع اليوم فى استاد طيبة الدولى ملوك الدول الصديقة لمصر ... طبعاً احنا مالناش دعوة ... عشان كدة ننتقل للنشرة الجوية ............. ))
________________________________
و فى الاجتماع ....
نحسوس : بصوا بقى ... من الأول كدة الاجتماع ده لازم يخلص فى نص ساعة بالظبط ... عشان النهاردة النهائى بين الأهلى و الزمالك فى الدورى ... و لازم اروح أتفرج عليه عالقهوة ...
عصابة (( الاتحاد الزوروبى )) خلاص ... مش لاقية اللى يلمها ... و لو محدش بقى فى قوتها دلوقت ... هتحكم العالم ... و بصراحة انا شعبى شعب حر ... مش هيقبل ان حد غريب يحكمه ...
ليهود : عيب عليك يا عم نحسوس انت شايفنا هنود ؟؟ ... دا انت شعبك ده المفروض ياخد جايزة (( نوفل )) فى الاستحمال ... هو فى شعب فى الدنيا بيستحمل كدة ؟
بوش : و عليا الطلاق الاجتماع ده شكله فاشل ... و شكلى هقطع عنكم المعونة يا كلاب
مقمر : أبوس ايدك بلاش يا باشا ... شوف ايه اللى يريحك و انا اعملهولك ... شيشة يابنى بسرعة للمعلم ...
شعبولا : انا بكره اسرائيل ... اييييييييييييييييييييييييييه ... انجزوا عشان رايح أجيب قميص من الوكالة ... و ايييييييييييييييييييييييييه ...
عوكل : سلامو عليكوووو ... مجدى هنا ؟؟؟ ... هو احنا مجتمعين ليه بقى ؟
نحسوس : بلاش غباء و اقترحوا حلول للمشكلة دى ... كل واحد يقول هنعمل ايه ؟؟؟؟
ليهود : نعمل جمعية ... و انا اقبضها الأول
مقمر : جمعية ؟؟؟ ... قشطة و انا معاكم
بوش : اسكت يا غبى انت و هو ... انا بطلب الاستعانة بصديق
شعبولا : مشكلة ايه ؟؟؟
عوكل : نأخذ من كل رجل قبيلة
نحسوس : عوكل بيتكلم صح ... كل واحد فينا يتبرع بمواطن من عنده ... و انا عن نفسى هتبرع بنص الشعب ... خمسين مليون مواطن ... و يروحوا يحاربوا (( الاتحاد الزوروبى )) ... الموافق على هذا القرار فليتفضل برفع يده ... موافقة
بوش : محدش رفع ايده أصلاً ... و بعدين حرب ايه اللى انت بتتكلم عليها ؟؟ ... انا مش موافق
مقمر : يبقى انا مش موافق
ليهود : احنا نعمل زيهم و نوحد عملتنا ... و لأن عددنا أكبر منهم يبقى اتحادنا هيبقى أقوى منهم ... دا احنا امة المليار يعنى يا جدعان
بوش : موافق
مقمر : يبقى انا موافق
عوكل : موافق
شعبولا : ايييييييييييييييييييييييييييه ... موافق
نحسوس : اخيراً اتفقتوا على حاجة ؟؟ ... و طبعاً هيكون اسم الاتحاد ... (( الاتحاد النحسوسى ))
ليهود : و ليه ميكونش اسمه (( الاتحاد الليهودى )) ؟؟
مقمر : لو مكانش اسمه (( الاتحاد المقمرى )) انا مش لاعب
عوكل : لأ هيكون اسمه (( عوكل برو عبد التواب الجن ))
شعبولا : ايييييييييييييييييييييييييييييييييييييييييييه
بوش : لأ بقى ... لأ بقى ... احنا كدة شكلنا مش هنتفق ... انا راجع بلدنا
مقمر : خدنى معاك يا معلم
ليهود : فركش يا جماعة
نحسوس : انا رايح اتفرج على الماتش احسن
عوكل : و انا عايز انام ... يعنى كل واحد يخلى باله من سريره
شعبولا : هشترى القميص ... هشترى القميص .... ايييييييييييييييييييييييييييييييه
________________________________
و بكدة انتهى الاجتماع ... و طلعت نفس المذيعة بتاعت القناة المحلية المليون تقول :
(( انتهى اجتماع ملوك الدول الصديقة لمصر بالنجاح الساحق ... و بم اننا برضه مالناش دعوة ... فننتقل الان لبث مباشر من استاد القاهرة الرياضى الدولى لبث مباراة الاهلى و الزمالك ... و نتمنى لكم سهرة سعيدة .... ))
________________________________
القصة خلصت على فكرة .....
________________________________
و طبعاً كل قصة لازم نستفيد منها حاجة ...
لكن قصتنا دى مش علشان نستفيد ...
قصتنا دى علشان نحمد ربنا اننا مش عايشين فى الدولة الفرعونية ...
ولا فى عهد الملك (( نحسوس )) .............
و طبعاً كل قصة لازم نستفيد منها حاجة ...
لكن قصتنا دى مش علشان نستفيد ...
قصتنا دى علشان نحمد ربنا اننا مش عايشين فى الدولة الفرعونية ...
ولا فى عهد الملك (( نحسوس )) .............
الحمد لله اننا مش في عهد الملك نحسوس والا كنا من اللي حيروحوا يحاربوا من ضمن نص الشعب وهييييييييييييييييييييييه
ردحذف