الخميس، 14 فبراير، 2008


امم افريقيا 2008
كنا بنقول فاكرين زمان
دلوقتى بص شوف الان
منتخبنا كسبان
وبالرجاله مليان
راحوا غانا عايزين الكاس
وبصراحه الكل حاسس ان احنا هاننداس
نصر ورا نصر قرب حلم الكاس
وبدأ دعاء أحلى الناس
*************
كانوا بيقولوا جايبين مدرب من كفر الدوار
يلاعب منتخب كوت ديفوار
وقالوا شحاته ده معلم بيخلى الكوره تتكلم
قلنا ده لما كان بيلعب
دلوقتى هو بره الملعب
بس شحاته عالخط كان معلم
خلى غانا بالعربى تتكلم
وأهل كفر الدوار خلاص علموا على
دروجبا كوت ديفوار
****************
فلافيو فى الأهلى كان حبيبنا
ودروجبا أكيد بيرعبنا
بس جمعه كان معانا
هضبه مصريه جوه غانا
وايتو خلاص ميتو
بعد ما شادى امسكتو
**************
زكى ولعها نار
جوه دفاع كوت ديفوار
وزيدان لسونج واقف
وأبوتريكه للجون ده خاطف
والكل فرحان
معانا زكى وأبوتريكه وزيدان
*****************
وأرقص ياحضرى
افرح ياشوقى
برافوا يافتحى
اسجد يا حسنى
مبروك لكل مصرى
وعقبال أى عربى
******************

مواضيع من نفس التصنيف



هناك 6 تعليقات:

  1. الشعر الكروي دة جامد جداااااا
    تحس ان اللي كاتبه فنان كروي
    الف مبروك النصر
    ومستنيين الشعر بتاع انجولا 2010 ان شاء الله
    تحيااااتي

    ردحذف
  2. حلو كتير ما كتبته ومبروك لينا كلنا

    ردحذف
  3. رائع عجبتنى اوى القصيدة ويارب ديما الانتصار

    ردحذف
  4. ألف مبروك لأمنا مصر و لكل الأمة العربية نحي من المغرب الشعب المصري العظيم و كرته العريقة ألف مبروك
    هشام اعبابو(المغرب)
    www.achkhbarcom.blogspot.com

    ردحذف
  5. عن الكرة اتكلم


    مبروك لشعبنا المصرى فرحتة بالنصر الكبير الذى حققة مجموعة من الرجال
    نصر بدى كما لو كنا نزعناه من قلب الحقيقة وهى اذا شمرنا العزم والتصميم
    نلنا ما نريد , فتعالو ا معا نرقب ونحلل هذا النصر.
    كل امة تحتاج فى المقام الاول الى ثلاث , الاخلاق , الانتماء , حب العمل
    فماذا كان فى رياضة كرة القدم .. هل خلت من الاخلاق ؟ !!
    هل كانت تبحث عن الانتماء ؟!!
    هل كانت متكاسلة لا تريد ان تعمل؟!!
    اسئلة بسيطة لا تحتاج الى اجابة لأن النتيجة التى احرزها ابطال كرة القدم
    لا تحتاج الا الى القاء الضوء وبشدة على العناصر الثلاث السابقة واعنى بها
    الاخلاق – الانتماء - حب العمل
    انظروا معى كيف كان الاصرار على الوصول الى نتيجة مفرحة لنا جميعا
    انظروا معى الى من تحلوا بالاخلاق والتواضع عند احراز هدف
    الا ترى اننا فى حاجة الى الاصرار فى اعمالنا جميعا وبنفس روح الفريق
    لكى نصل الى ما نصبوا الية من رفاهية هى بأيدينا لو اصررنا بجهد و اخلاص
    انتبهوا.. لن يساعدنا الا سواعدنا حتى نخرج الى العالم مرفوعى الرأس
    انظروا معى الى من سجل هدف كيف كان متواضع وسجد لله شكرا لة .
    ولقد كان الانتماء الى مصرنا من الفريق واضحا , لم يبخل ناديهم عنهم فأعطوا
    و ردوا الجميل فرحة وسعادة لهم ولنا انتزعناها وعرفنا طعم السعادة بعد الاصرار
    والعمل , العمل والاصرار للوصول الى الهدف الواضح كان لة اكبر الاثر على تقدمنا فى
    هذا المجال الكروى
    الا ترى معى اننا فى حاجة ماسة الى التكافل معا من اجل مصرنا فى مجالات اخرى متشعية ؟ !!

    هانى سويلم
    hanyswailam@hotmail.com
    http://qanter.50megs.com

    ردحذف

ليصلك جديد المدونة

ادخل بريدك الالكتروني