الثلاثاء، 8 أبريل 2008

الإضراب ...تاني!!!!..باقي كلام الأمس..!!


أخيرا غادر الترام .. وعند سيره .. كما يقولون .. حاله يصعب علي الكافر .. يصدر صوتا مزعجا كأنه يعاني مما به..الكراسي زز جلدها ممزق..مع أنه يبدو أنها قد تم تجديدها من فترة وجيزة . .قذرة بعض الشيئ .. لم يتركوها لحالها إنما حفرت عليها السماء و الرسائل كما التي علي جدران الترام من الداخل ..

نظرت من النافذة وجدت أن الناس قد استيقظت و نزلت إلي الشارع كل متوجه إلي ما يريد .. إزدحمت المنطقة .. أماكن إنتظار الترام علي المحطات المختلفة التي مر عليها لم تسلم من التخريب ... أرقام تليفونات ..كلمات فجة .. طابور أمام بائع سندوتشات الفول و الطعمية علي ناصية الكوبري المؤدي للمطار ... ؟؟؟؟؟؟ .... و حوله القذارة و حدث ولا حرج .. شيئ سيئ للغاية ..

قمت باصطحاب سيارتي .. وعدت من أول وجديد ..لنفس الطريق .. ولعنت جميع السيارات و جميع الرخص اللي في الدنيا .. ووصلت الي وحدة المرور .. الحقيقة أنها في مكان بعيد وفاضي و ممكن الركن فيه بسهولة .. و المبني جديد .. لا يتعدي عمره العام .. ومن الداخل بدأ نشع المياه يهدد اسواره .. خلف أكشاك التأمين ... عجبي .. أين
ضمير من صنع هذه الأسوار ..

فوجثت بأنهم يطلبون مني إعادة فحص السيارة و سداد مبلغ 13 جنيه .. ياجماعة أنا ملزال من حقي عام .. حتي أعيد الفحص .. لأ لابد علشان مش عارف ملف إيه و أصل الوحدة جديدة وكلام غير مفهوم. .. وروحي للمهندس علشان يفحصها و المهندس يبعتني للعامل علشان يفحصها .. و كلهم ينظر إلي و يبتسم .. و أنا فاهمة لكنني قررت الإضراب ..معاكي .. طفاية.. بين كل كلمة و كلمة وقت علشان أحس علي دمي .. وأنا ولا فايدة .. تم الفحص بسلام .. بين نظرات لعناتهم علي غبائي..!!

كان عندي استعداد لو حد فتح بقه .. حيبقي يوم ..و انشالله ماطلعت الرخصة..يعني هي حتروح فين .. علي فكرة لو تمسك الانسان بحقه..بيبقي حاجة تانية خالص..ماصدقوا إني أبديت اعتراضي ليه إعادة الفحص و قاللي اللي بيقولوا عليه مهندس..انتي جاية تتشطري علينا أتشطري علي ..........قلت له و الله انا النهاردة أنا حاجي علي اللي يزعلني أيا كان..تم تقدير الرسوم..6جنيهات و ربع..موظف شباك الخزنة ..اصر علي انهم 7 جنيه اقوله فيه باقي..ببجاحة شديدة ..نظر الي وقال 7 ..االمقابل خناقة..لقيت إن هيبتي حاتضيع..قلت حانشرها في المدونة..لأن هيبتي أكبر من 75 قرش..والجايات كتير..ولو إن في دي أنا مقصرة..باعترف..موضوع في الاستراحة ماكينةلمياه الشرب..شيك جدا..و عليها كوب واحد بلاستيك لشرب الجميع..طبعا تم شراء العديد من الأكواب بالجملة..و كل عام و انتم بخير..المبني شيك لكن الزبالة حول الموظفين تملأ المكان..

بعد كدة برضة عايزين نعمل إضرابات...حاقول جملتي المشهورة..نعيب زماننا و العيب فينا و ما لزماننا عيب سوانا

http://doctoraydy2008.wordpress.com/
http://aydy2008.blogspot.com/

مواضيع من نفس التصنيف



0 comments:

إرسال تعليق

ليصلك جديد المدونة

ادخل بريدك الالكتروني