الأحد، 6 أبريل 2008

الشعب والاضراب

الشعب والاضراب
مع أحترامى لكل موظفى مصر وشعب مصر ,,, ناس كتير بتكلم عن الاضراب عشان عاوزين حقوقهم اللى الدولة سالبها منهم طب الاول مش سألوا نفسهم الاول هم الاول أدو شغلهم حقه أو بمعنى أخر أتقى ربنا فى شغله مش أظن لان الجهاز الادارى بالدولة ساده الفساد مفيش مصلحة أو خدمة بتخلص ألا بواسطة أو زى ما أنتوا عارفين قليل جدا من القلة المحترمة التى تؤدى عملها بأمانة وبدون مقابل لانهم مقتنعين برزق ربهم والباقى مش عارف أقوال أيه بس الكلام ده عشان يحصل لازم الفكر يتغبر عشان تطالب بحقك وتصمم عليه لازم تؤدى واجبك بأمانة تقدر تقولى أيه الفرق بين الموظف المصرى والموظف الاجنبى
الاجنبى بيعطى عمله حقه عشان كدة بيطالب بحقه على رأى المثل بعين قوية
أما المصرى بيكون فى عمله بعد الساعة التاسعة صباحا وعشان تخلص منه أة شىء يعنى كدة على الساعة عشرة وبعدين شوية بيفطر وبعدين شوية بيشرب شاى وبعدين رايح يصلى الظهر وبعدين شوية ده خلاص الساعة واحدة ونصف موعد الانصراف حان .
مفيش موظف فى الدولة ملتزم وبيكون فى شغلة الساعة الثامنة اللهم الا بعض المدرسين بحكم طابور الصباح بالمدارس والحصص الاولى
طب أزاى عاوز حقك كامل وأنت بتأدى عملك ناقص وفيه ناس تانية مش بتأديه خالص وعاوزة المرتب وبس
للاسف مفهوم الوظيفة عند المصريين غلط وبالاخص الوظيفة الحكومية عندهم أن الواحد أدام أتعين خلاص مفيش حد يقدر يشيله من وظيفته وفرض على الدولة تعطيه مرتبه أول كل شهر سواء أنتج أو أدى عمله أو لا مفيش فرق الدولة لازم تديه مرتبه هى الدولة شوية وبعدين دى فلوس الشعب .
للاسف هى دى ثقافة الشعب المصرى عن الوظيفة أهم شىء الوظيفة الحكومية ( الميرى )
أعتذر أذا كان هناك بعض التجاوز بس هو ده الحال الطبيعى ولازم نفوق.
تحياتى للجميع

مواضيع من نفس التصنيف



0 comments:

إرسال تعليق

ليصلك جديد المدونة

ادخل بريدك الالكتروني