الثلاثاء، 6 مايو، 2008

يبقى دا اكيد طابع استبدادى

طبعا دا شويه من قاموس طبائع الاستبداد اللى عاوزين نكمله منكم
وشوفوا اللى وصلناله
لما تنطق كلمة وتتحكام والامن يجيبك وتخش محاكم وتاخد حقك شلاليت وملاكم يبقى دا اكيد طابع استبدادى
*لما تلاقى شعب بلادك 90%عايشنها فى كربو10 الباقية نازلين فيها نهب يبقى دا اكيد طابع استبدادى
*لما تلاقى احزاب كتيرة عايشين فى تعاسه مشاكلهم هم تملا الكراسة والحزب الحاكم ولادين ولازمة ولاحتى كياسة يبقى دا اكيد طابع استبدادى
*لما تلاقى كل شوية يعملوا رقعة فى الدستور عشان يفصلوه على مقاسهم يبقى دا اكيد طابع استبدادى
*لما تلاقى صحفى ف سجن يبقى دا اكيد طابع استبدادى
*لما تلاقى سياسى معارض معروف باخلاقه الطيبة وكفاءته السياسيه فى سجن يبقى دا اكيد طابع استبدادى
*لما تلاقى مدون اختفى من بيته عشان كلمه قالها او حمله دعالها وف الاخر نلاقيه فى المعتقل يبقى دا اكيد طابع استبدادى
*لما تلاقى واحد ف المعارضة يقول انا مالى غيرى عمل ايه عشان خايف من قلم ينزل عليه من مخبر او بيه يبقى دا اكيد طابع استبدادى
*لما تلاقى واحد داخل ع النت وخايق يقول كلمه ليكون حد شايف ويكون فى خبر كان يبقى دا اكيد طابع استبدادى
*لما تلاقى عضو فى الحزب الحاكم متورط ف قضية ولازم يتحاكم ويطلع منها زى الشعرة م العجينة يبقى دا اكيد طابع استبدادى
*لما تلاقى عضو ف الحزب الحاكم ياخد قروض ويهرب بره ومحدش يعرفله طريق جره يبقى دا اكيد طابع استبدادى
*لما تلاقى مظاهره سلميه حواليهامن مركزى يضرب قنابل مسيله للدموع ودخانيه يبقى دا اكيد طابع استبدادى
*لما تلاقى شاب ف ايده ملبش وعصاية على دماغه من عسكرى امن مركزى يبقى دا اكيد طابع استبداد
*لما تلاقى محاكمة ناس عادية تبقى عسكرية يبقى دا اكيد طابع استبدادى
دا اللى وصلنا ليه وتم اضافته فى القاموس
اللى بنحاول نجمعه من عقل كل مدون فاللى عنده اى طابع استبدادى
يضيفه على طول
ومتنسوش شعارنا
يبقى دا اكيد طابع استبدادى

مواضيع من نفس التصنيف



هناك تعليق واحد:

  1. السلام عليكم ورحمة الله وبركاتة
    اخى الفاضل احمد
    كلامك فى الصميم
    وجملة
    يبقى دا اكيد طابع استبدادى
    جملة فعلا معبرةعن كل هذا
    ويشرفنى ان اكون صاحبة التعليق الاول
    فى مقالك الرائع
    بس عايزة اقولك شىء
    انت لية مواطن زهقان؟؟؟؟؟؟؟؟
    خليك مواطن حر
    اسعدتنى مدونتك الجميلة
    تحياتى لك
    بنت النيل

    ردحذف

ليصلك جديد المدونة

ادخل بريدك الالكتروني